Steinar Eriksen () er ein norsk økonom, næringsdrivar og byråkrat frå Alteidet i Kvænangen kommune. Han representerte Finnmark og partiet Høgre på Stortinget i tida 1981-89.
Eriksen utdanna seg på reallinja ved Finnmark offentlige gymnas i Alta, og deretter Bedriftsøkonomisk Institutt i Oslo. Etter tre år hos Norsk Phillips i Oslo, fekk han i 1966 jobben som disponent for fiskeindustri-firmaet NOFI i Honningsvåg i Finnmark.
1980-81 var Eriksen medlem i Nordkapp kommunestyre og formannskap. Hausten 1981 stod han som andrekandidat for Finnmark Høgre ved stortingsvalet. Ettersom den valde representanten, Thor Listau, fekk sete i Willoch-regjeringa, rykte Eriksen inn i Stortinget. Valbolken 1981-85 var han medlem i Sjøfarts- og fiskerikomitéen. Valbolken 1985-89 hadde han fast sete i stortinget, då medlem i Samferdselskomitéen. 1988 tapte han nominasjonen i Finnmark Høgre mot Odd Rikard Olsen med 26 mot 24 røyster.
Eriksen var frå 1989 til 2004 tilsett i Vegdirektoratet, fyrst som kontorsjef, deretter som økonomidirektør og til sist som ferjedirektør. Etter han pensjonerte seg, flytta han til Tau i Rogaland. På sine eldre dagar melde han seg ut av Høgre.
Gjennom mange år hadde Eriksen ei rekke styreverv.
Kjelder
stortinget.no Denne artikkelen bygger på «Steinar Eriksen» frå , den 17. februar 2025.
Kategori:Stortingsrepresentantar 1981-1985 Kategori:Stortingsrepresentantar 1985-1989 Kategori:Folk frå Kvænangen Kategori:Norske økonomar