Vallenato (på wayunaiki: szlager) er ein musikkstil som har opphav i den karibiske regionen i Colombia, med røter i det tidlegare Magdalena Grande – dei noverande departementa Magdalena, Cesar og La Guajira. I 2015 vart vallenato tatt opp på UNESCO si liste over immateriell kulturarv.
mini|venstre|Vallenato kan framførast med fleire instrument, her med gitar av gruppa Los Muchachos Vallenatos i Cali i Colombia Stilen har påverknad frå europeisk innvandring, sidan trekkspela vart tatt med av tyske emigrantar til Riohacha mot slutten av 1800-talet. Både strofeforma og rytmikken ber preg av spansk musikktradisjon. Afrocolombianske slaveetterkomarar har òg prega vallenatoen gjennom la caja vallenata, ein type tromme som i stor grad gjev rytmen til melodien frå trekkspela. Det urfolkslege kjem til uttrykk gjennom perkusjonsinstrumentet guacharaca.
Vallenatoen er populær i heile Colombia og i alle tilgrensande naboland, så vel som i andre spansktalande land slik som Mexico, Argentina, Bolivia, og Paraguay. Musikken vert tradisjonelt framført med tre instrument: det diatoniske trekkspelet, guacharaca og trommeinstrumentet caja vallenata. Dei ulike rytmane eller variantane av vallenato har utvikla seg under nemningar som paseo, merengue, puya, son og tambora. Vallenato kan òg spelast med gitar og med instrumentering frå cumbia i cumbiambas og grupos de millo.
I november 2013 erklærte Det colombianske kulturdepartementet tradisjonell vallenato som ein del av den immaterielle kulturarven. Den 1. desember 2015 vart han inkludert på UNESCO si liste over immateriell kulturarv som treng akutt vern.
Kjelder
Denne artikkelen bygger på innleiinga av «Vallenato» frå den 20. april 2025. Om tradisjonell vallenato på UNESCOs nettside over immateriell kulturarv
Bakgrunnsstoff
Kategori:Musikksjangrar Kategori:Folkemusikk Kategori:Colombiansk musikk Kategori:Immateriell kulturarv i Colombia Kategori:Representativ liste over den immaterielle kulturarven til menneskja