August Hansen () var ein norsk jurist og politikar frå Halden. Han var stortingsmann 1893-97 og 1900-03. Martin Hansen var far hans.
Etter å ha blitt cand.jur. i 1864, arbeidde August Hansen som sorenskrivarfullmektig i Idd og Marker fram til 1872. 1868-90 var han overrettssakførar i heimbyen. Sidan var han borgarmeister fram til han døydde.
Hansen var 1880-90 ordførar i Fredrikshald. 1893-sesjonen frå 13. juni og heile 1894-sesjonen møtte han i Stortinget som varamann for Nils Anker. Valbolkane 1895–1897 og 1900–1903 hadde han fast sete i Stortinget. Alle sesjonane vart han vald frå einmannskrinsen Fredrikshald og for Høgre-partiet. 1893-94 var han medlem Næringskomite nr 1, 1895-97 medlem og sekretær i Budsjettkomiteen, 1900-03 medlem i Fullmaktskomiteen og Konstitusjonskomiteen, 1902 sekretær i Nøytralitetskomiteen. År 1896 var han elles med i den departementale komiteen om fattiglova og i 1898 ein departemental komite om formannskapslova.
Hansen vart tildelt St. Olavs Orden.
Kjelder Lindstøl, Tallak: Stortinget og Statsraadet 1814-1914. Kristiania, 1914
Kategori:Stortingsrepresentantar frå Høgre Kategori:Stortingsrepresentantar for Fredrikshald Kategori:Stortingsrepresentantar 1892-1894 Kategori:Stortingsrepresentantar 1895-1897 Kategori:Stortingsrepresentantar 1901-1903 Kategori:Ordførarar i Halden Kategori:Norske juristar Kategori:St. Olavs Orden Kategori:Folk frå Halden