Karl Johan Aarønes () var ein norsk byråkrat og politikar frå Bolsøy i Møre og Romsdal som var stortingsrepresentant i perioden 1950-53.
Skulevinteren 1917/18 var Aarønes elev ved Møre Folkehøgskule i Ørsta. 1921/22 tok han teknisk utdanning i Kristiania. Han arbeidde fleire tiår på Vegkontoret for Møre og Romsdal, adresse Molde. Til sist var han arbeidsdirektør i Møre og Romsdal fram til 1967.
Aarønes var medlem av Molde bystyre periodane 1945–55 og 1960–63, varaordførar 1952–55 og 1960–63. Gjennom stortingsvalet 1949 vart han vald til første vararepresentant for kjøpstadene i Møre og Romsdal fylke, valkrinsen Kristiansund, Molde og Ålesund. Heile tingbolken 1950-53 hadde han fast sete i Stortinget, ettersom Ulrik Olsen var kommunalminister i den andre Gerhardsen-regjeringa og i Torp-regjeringa. Aarønes var medlem i Kommunalkomitéen.
Kjelder
Denne artikkelen bygger på «Karl Johan Aarønes» frå , den 24. mai 2025.
Kategori:Stortingsrepresentantar 1950-1953 Kategori:Folk frå Molde