Harald Heyerdahl () var ein norsk jurist og politikar frå Kristiansand. Han var stortingsmann 1862-64 frå Hedemarkens amt. Far hans heitte Thomas Stenersen Heyerdahl.
Harald Heyerdahl vart cand.jur. i 1848. Dei neste to åra var han sorenskrivar og amtsfullmektig. Sidan var han i tre år kopist i Justisdepartementet, frå 1856 overrettssakfører i Vang i Hedmark. Han tok i 1853 over garden Mæhlum i Furnes, dreiv denne til 1870. 1862-63 representerte han amtet i Stortinget, 1864 i omframtstortinget. 1862-63 medlem Budsjettkomiteen og Matrikkellovkomiteen. 17. mai 1864 var med i Stortinget sitt sendelag til Eidsvoll og 50-årsfeiringa av grunnlova. Også med ved markeringa av november-grunnlova 4. november i Christiania. Heyerdahl var ordførar i Vang frå 1862. Etter 1870 arbeidde han, etter tur, som sakførar i Flekkefjord, Tønsberg og Kristiania. Han døydde under eit opphald på Fåberg.
Kjelder Lindstøl, Tallak: Stortinget og Statsraadet 1814-1914. Kristiania, 1914
Kategori:Stortingsrepresentantar 1862-1864 Kategori:Stortingsrepresentantar for Hedmark Kategori:Ordførarar i Vang i Hedmark