Ivar Lykke Falch Lind () var ein norsk politimeister og Høgre-politikar frå Kinn i Sunnfjord. Han var stortingsmann frå Nordre Bergenhus amt perioden 1903-06.
Han var fødd i Førde som det tiande barnet åt lensmann Edvard Falch og kona Julie. Året gammal vart Ivar adoptert av lensmannen i Kinn, Olaus Lind. Han var elev ved Bergen katedralskole før han i 1893 avla juridisk embetseksamen. Han fekk take over lensmannsombodet i Kinn og Vevring. Sidan var han frå 1921 til 1940 politimeister i Fjordane.
Ivar Lind representerte Nordre Bergenhus amt i Stortinget 1903–06, vald for Høgre. Fram til 1905 var han medlem i Jarnbanekomitéen, etter Christian Michelsen vart statsminister hadde han sete i Konstitusjonskomitéen. Han var 1924-26 ordførar i Kinn. 1926-28 konstituert fylkesmann i Sogn og Fjordane, då Ingolf Elster Christensen var statsråd.
Lind vart tildelt 7. juni-medaljen og Haakon VIIs jubileumsmedalje. Ivar Linds gate i Florø har namn etter han.
Kjelder Lindstøl, Tallak: Stortinget og Statsraadet 1814-1914. Kristiania, 1914
Kategori:Stortingsrepresentantar 1904-1906 Kategori:Folk frå Flora