mini|Sigbjørn Johnsen var den siste fylkesmannen i Hedmark. Fylkesmannsembetet vart lagt ned 31. desember 2018. Denne lista over fylkesmenn i Hedmark byrjar i 1781 då Oplandenes amt (skipa 1757) vart kløyvt i to: Hedemarkenes amt (Hedmark) og Kristians amt (Oppland). Fylkesmannsembetet hadde sete på Hamar og vart lagt ned i årsskiftet 2018/2019 då embetet vart slege saman med Fylkesmannen i Oppland til Fylkesmannen i Innlandet, som i 1. januar 2021 bytte namn til Statsforvaltaren i Innlandet.
Amtmannen/fylkesmannen var representanten frå staten i fylket, endå oppgåvene sjølve har brigt seg gjennom tidene. Fylke og fylkesmann løyste av dei gamle omgrepa amt og amtmann frå og med 1. januar 1919. Hamar bispedøme vart skipa att i 1864, og femna Hedmark og Oppland fylke. Amtmannen i Hedmark vart då samstundes stiftamtmann for båe fylka. Tittelen «stiftamtmann» fall bort då Stortinget brigde fylkesnamna i 1918. Embetet vart i 2020 gjeve det nye namnet «statsforvaltar».
Hamar fekk att kjøpstadsrettane i 1849, og bytenestene utvikla seg etter dette. Dei fyrste amtmennene budde på gardar utanføre byen; Ringnes i Stange og Kjonerud i Ottestad.
Den fyrste amtmannen, Ditlev von Pentz, var ein dansk godseigar og embetsmann. Dei neste amtmennene var like eins frå den dansk-norske embetsmannskulturen, utdanna i København. Etter 1814 var alle amtmennene juss-utdanna i Oslo. Tre av amtmennene (Bendeke, Weidemann og Heidmann) var «eidsvollsmenn», det vil seia medlemer av Riksforsamlinga på Eidsvoll i 1814. Somme av amtmennene utover 1800-talet var stortingsrepresentantar (Weidemann, Heidmann, Kyhn og Mørch). Etter at partia kløyvde politikken i 1884 vart det mindre vanleg at amtmenn kunne vera partipolitikarar au. Den fyrste fylkesmannen med ein politisk bakgrunn som hovudgrunnlaget for fylkesmannstillinga var Knut Nordanger, som vart nemnd ut i 1935. Attåt var han den fyrste som ikkje var jurist. Dei fire siste fylkesmennene, frå og med Arnfinn Lund (nemnd ut 1979) til Sigbjørn Johnsen, fylgde det same mønsteret som resten av landet: at embeta fall til røynde politikarar, i hovudsak frå heimfylket.
Amtmenn og Fylkesmenn FråTilAmtmann i Hedemarkens amtFøddDaud17811789Ditlev von Pentz1744182117891802Andreas Høyer1742181718021804Emanuel de Thygeson1772186018041816Claus Bendeke1764182818171821Lauritz Weidemann1775185618211849Frederik Heidmann1777185018491856August Christian Manthey1811188018561890Ludvig Kyhn181718901875Nils Fliflet (konst.)183819071890Truls Graff (konst.)1851191818901897Oscar Mørch1845189718971898August Wilhelmsen (konst.)1861190718981915Gregers Gram1846192919091910Christian Blom (konst.)1870196019141916Johannes Irgens (konst.)1869193919161918Thorvald Løchen18611943Fylkesmann i Hedmark19191926Thorvald Løchen1861194319261935Knud Øyen1865194219261928Peder Hommelstad (konst.)1865196219351953Knut Nordanger1883196519421943Ole Vries Hassel (NS)1894198419431945Halvor Hektoen (NS)1884196019541966Alf Frydenberg1896198919661980Erling Anger1909199919801981Annfinn Lund1926200119811994Odvar Nordli1927201819811985Kåre Bakke (konst.)1923201819941996Kjell Borgen1939199619962018Sigbjørn Johnsen19501997Jon A. Lea (konst.)194820092010Tormod W. Karlstrøm (fung.)194420102013Sylvia Brustad (konst.)1966
Kjelder
World statesmen, worldstatesmen.org Fylkesmannsboka, regjeringen.no Digitalarkivet, digitalarkivet.no Fylkesmannen i Hedmark: Historikk . juli 2022 hos Wayback Machine.; statsforvalteren.no
Denne artikkelen bygger på «Liste over Hedmarks fylkesmenn» frå , den 3. desember 2025.