Hallstein Grønstøl () er ein norsk veterinær og forfattar.
Grønstøl blei fødd i Strandebarm i Noreg, og flytta 6 år gammal til Sunde i Sunnhordland. Foreldra var båtbyggjar Bjarne H. Grønstøl og husmor Pernhild Grønstøl, fødd Oma. Han tok artium ved Rogaland off. Landsgymnas i 1959 og blei student ved Noregs Veterinærhøgskole (NVH) Oslo same året. I 1965 var han ferdig utdanna veterinær og blei tilsett som vitskapleg assistent ved Institutt for Næringsmiddelhygiene, NVH. I 1966 fekk han jobb i Etne kommune, Hordaland som privatpraktiserande veterinær med klinisk praksis og ansvar for kommunal kjøtkontroll. I 1970 fekk han stilling som Principal Veterinary Officer vad Meat Research Institute, Bristol, Storbritannia. der arbeidet var forsking på salmonellabakteriar hos husdyr og kjøt. Etter to år returnerte han til Noreg og stilling som vitskapleg assistent på Statens veterinære forsøksgard for småfe, i Sandnes, Rogaland, seinare forskar ved Landbruksvitskapeleg Forskingsråd ved same institusjon. I tillegg til rutinemessig arbeid innan bakteriologi og patologi var oppgåva å driva forsking på sjukdommen listeriose hos sau og geit, noko som resulterte i ei doktoravhandling om denne sjukdommen, Avhandlinga blei forsvart i ein disputas ved NVH i 1981.
I 1979 blei han tilsett som leiar for det nyoppretta veterinære diagnostiske laboratoriet i Bergen i Hordaland, ein jobb han hadde til han i 1984 blei utnemnd til professor i indremedisin, store dyr, ved NVH. Som professor hadde han ansvar for klinikkdrift, forsking og undervisning ved stordyrklinikken ved NVH. I tillegg var han medlem av Styret ved institusjonen i 11 år, medlem av komitear til å vurdera doktoravhandlingar i nordiske land, medlem av komitear til vurdering av vitskaplege stillingar i nordiske land og ulike komitear og institusjonar innan det norske universitetssystemet. I tillegg var han leiar av Veterinærmedisinsk Selskap.
I 1996 blei han vald til rektor ved NVH, og attvald i 1999. I desse periodane var han også medlem av styret i NOVA-universitetet, i Universitetsrådet, Veterinærinstituttet og andre råd og institusjonar innan det norske universitetssystemet. Han blei pensjonist i 2005.
I denne perioden var han forfattar av boka Veterinærmedisinsk Ordbok, og redaktør for bøkene Sjukdom i fjøset og Storfesjukdommar. Han publiserte cirka 100 vitskaplege artiklar i tidsskrifter med referee-ordning, ei rekke populærvitskaplege artiklar i tidsskrifter og bøker og deltok i taglege program i radio og TV. I tillegg haldt han foredrag om faglege emne i møte i organisasjonar innan landbruk og dyrestell.
Hallstein er gift med Sigrid Bø Grønstøl. Dei har to born, Bård og Gaute.
Som pensjonist starta han, saman med Sigrid Bø Grønstøl, forlaget Sturnus. Forlaget har gitt ut 8 bøker, innan områda lokalhistorie, landskap og matkultur.
Han har alltid vore interessert i idrett, og har spelt fotball for Rennesøy idrettslag, Idrettslaget Trio, Congresbury fotballklubb og Churchill fotballklubb i England. I Etne var han nestformann og oppmann i idrettslaget, styremedlem i Sola idrettslag, ein av stiftarane av Austrott idrettslag i Sandnes der han var nestformann, og trenar for 3 gute- og jentelag.
Han er interessert i historie og språk, og har vore leiar i Sandnes mållag, styremedlem i Rogaland mållag og medlem av Styret i Noregs Mållag, I tillegg har han vore leiar i Rennesøy historielag.
Kjelder
Kategori:Norske veterinærar