Daniel Trulssen Leegaard () var ein norsk trelasthandlar og politikar, fødd og død i Fredrikstad. Han vart stortingsmann i 1851.
Leegaard var son til ein smed. Sjølv tok han i 1820 til som handelsborgar i heimbyen og starta brennevinsbrenneri to år seinare. Frå 1822 dreiv han trelasthandel, eigde ei vassag. Med åra vart han ein av dei største i landet i så måte. «Det var dengang, i Saugbrugsprivilegiernes Tid, væsentlig Rundlast, hollandske Bjælker og haandskaarne Planker, som skibedes.»Fredriksstads Tilskuer, torsdag 6. april 1899 Ein storbrann i 1837 la mykje av trelasten hans i oske. Leegaard gjekk deretter i kompaniskap med P. Gellertsen frå Drammen og kom seg fort i gang att. Han fekk også bygt eit teglverk på Trosvik i Glemmen. I 1850 gjekk han i gong med eit ølbryggeri, samstundes slutta han produksjonen av brennevin. 1858 gav skogeigarar i Glåmdalen han eit gullur i kjede for arbeidet hans med å betre tilhøva for tømmerfløytinga i Sarpsfossen.
I 1851 representerte Leegaard valkrinsen Fredrikstad og Sarpsborg i Stortinget, der han var medlem i Arbeidarkomiteen og Konstitusjonskomiteen.
Kjelder
Kategori:Stortingsrepresentantar 1851-1853 Kategori:Folk frå Fredrikstad