Litchi (Litchi chinensis, også stava lychee eller laichi), er det einaste medlemmen av slekta Litchi i såpebærfamilien Sapindaceae. Det er eit tropisk frukttre, som finst i Sør-Kina, India, nord i Vietnam, Indonesia, Filippinane og Sør-Pakistan. I Kina er planten kjend som 荔枝, kantonesisk jyutping: lai6 zi1, pinyin: lìzhī; andre lokale namn er chi eller alupag (Filippinane), lin jee (Thailand), raichi (Japan) og leechee (India).
Litchi er eit mellomstort eviggrønt tre som blir opp til 15-20 meter høgt, med skruestilte finna blad. Eit blad er ca. 15-25 cm lang med 2-8 sidestilte småblad som er 5-10 cm lange, endesmåbladet manglar. Nye blad har ein lys koparraud farge til å byrja med, og blir så grøne etter kvart som dei veks til full storleik. Blomane er små, grønkvite eller gullvite, og kjem i raklar på opp til 30 cm.
mini|venstre|Litchifrukt
Frukta er ei steinfrukt på storleik med ei valnøtt, 3–4 cm lang og 3 cm i diameter.Litchi Bama Utsida er dekt av ei rosa-raud, ru hinne som er etande, men også lett lèt seg fjerna. Innsida består av eit lag søtt, halvgjennomsiktig kvitt fruktkjøt som er rikt på vitamin C,Litchi Opplysningskontoret for frukt og grønt med ein tekstur som liknar litt på den til druer. Det etande fruktkjøttet omgir frøet. Kjernen består av eit enkelt blankt nøtteliknande frø som er brunt og ca. 2 cm langt med ein diameter på 1-1,5 cm. Det blir hevda at frøet er svakt giftig og ikkje bør etast, men kjernen blir brukt i kinesisk medisin mellom anna mot hudplager. Frukta mognar i perioden juli til oktober, ca. 100 dagar etter bløming.
Det finst to underarter:
Litchi chinensis underart chinensis. Kina, Indokina (Vietnam, Laos, Kambodsja). Bladgreiner med 4 til 8 (sjeldnare 2) blad. Litchi chinensis underart philippinensis. Filippinane, Indonesia. Bladgreiner med 2-4 (sjeldnare 6) blad.
Kjelder
Denne artikkelen bygger på «Litchi» frå , den 9. mai 2026.
Bakgrunnsstoff
Kategori:Tradisjonell kinesisk medisin Kategori:Frukt Kategori:Lønnefamilien