Vestre Bug (ukrainsk Західний Буг, Zakhidnij Bug, russisk Западный Буг, Zapadnyj Bug), kalla Vestre Bug for å skilje ho frå Søndre Bug, er ei elv som renn frå sentrale område av Ukraina og vestover. Ho dannar så grensa mellom Ukraina og Polen, og vidare langs grensa mellom Polen og Belarus. Ho renn til slutt ut i Narew nær Serock (eigentleg den kunstige innsjøen Zegrze). Delen mellom innsjøen og elva Wisła vert stundom kalla Bugo-Narew. Wisła renn vidare mot Austersjøen
Bug er 772 km lang (587 km i Polen) og er den fjerde lengste elva i Polen. Nedslagsfeltet er 39 420 km² (19 284 km² i Polen). Ho er knytt til elva Dnepr gjennom Dnepr-Bug-kanalen.
Tradisjonelt vart Bug sett på som ei etnografisk grense mellom ortodokse og katolske folk. Bug var grensa mellom tyske og russiske styrkar under invasjonen av Polen i 1939 under Den andre verdskrigen.
mini|venstre|Bug ved Drohiczyn
Sideelvar
Poltva, Sołokija, Bukowa, Huczwa, Uherka, Włodawka, Krzna, Liwiec, Ług, Mukhavets, Leśna, Nurzets, Brok
Kategori:Elvar i Belarus Kategori:Elvar i Ukraina Kategori:Elvar i Polen Kategori:Internasjonale elvar i Europa Kategori:Grenseelvar Kategori:Den belarusisk-ukrainske grensa Kategori:Den belarusisk-polske grensa Kategori:Den polsk-ukrainske grensa