Borgund er ei innlandsbygd øvst i Lærdal kommune i Vestland fylke og eit kyrkjesokn i Sogn prosti. Borgund har tidlegare òg vore ein eigen kommune. Borgund er kjend for den vidgjetne Borgund stavkyrkje. Hovudnæringsvegen i Borgund er jordbruk. Namnet «Borgund» er sett saman av borg som tyder 'borg, bygdeborg' og -und, 'rik på'.

Tidlegare Borgund kommune Borgund var sjølvstendig kommune frå 1864 til 1964. Kommunen vart oppretta 1. januar 1864 ved at området vart skild ut frå Lærdal kommune. Ved opprettinga budde det 963 personar i Borgund. Kommunen hadde denne utstrekkinga fram til han vart slegen saman med Lærdal att 1. januar 1964. Ved samanslåinga budde det 492 personar i Borgund. Dag Juvkvam: «Historisk oversikt over endringer i kommune- og fylkesinndelingen» for Statistisk sentralbyrå. Før kommunesamanslåingane på 1960-talet, og seinast sidan 1920, var Borgund den minste kommunen i Sogn og Fjordane etter folketal.

Folketalsutvikling Folketalsutvikling for tidlegare Borgund kommune frå 1864 til 1964: 1864 1890Anders Gjerde: Grenseendringar i Sogn og Fjordane. Om folkemengda i Lærdal og Borgund,1890, frå Kjelda nr 3. 2002, s 26-46 1.12.1920Statistisk årbok for kongeriket Norge 40de årgang, 1920 (Det statistiske centralbyrå, 1921) 1.12.1930Statistisk årbok for Norge 69. årgang, 1950 (Statistisk sentralbyrå, 1950) 3.12.1946 1.1.1951Folkemengd i Borgund 1. januar kvart år frå 1951, frå Statistisk sentralbyrå 1.1.1961 1.1.1964 963 831 645 644 605 572 512 492

Borgund kyrkesokn Borgund sokn femner same området som tidlegare Borgund kommune, det vil seie dei austre delane av tidlegare Lærdal prestegjeld. Soknekyrkje er Borgund kyrkje frå 1868. Ho erstatta Borgund stavkyrkje frå kring 1180 som soknekyrkje. Stavkyrkja er eigd og vedlikehalden av Fortidsminneforeninga.«Nasjonalklenodiet Borgund stavkyrkje» på NRK Sogn og Fjordane Fylkesleksikon

Kjelder Fotnotar

Bakgrunnsstoff Om Borgund sokn på nettstaden til Den norske kyrkja «Kirkebøker, Sogn og Fjordane» på nettstaden til Arkivverket

Arkiv frå Borgund kommune Kommunale arkiv. Henta frå Arkivportalen.no

Kategori:Busetnader i Lærdal Kategori:Tidlegare kommunar i Sogn og Fjordane Kategori:Sokn i Indre Sogn prosti Kategori:Bygder i Vestland