Risle (mindre brukt er Rille) er ei 144 km lang elv i Normandie i Frankrike, og ei av sideelvane til Seinen frå venstre.
Elva har sitt utspring i Orne vest for L'Aigle, og kryssar den vestlege delen av departementet Eure frå sør til nord, og munnar ut i elvemunningen til Seinen på venstresida nær Berville-sur-Mer. Dalen hennar er ein del av Pays d'Ouche og er grensa mellom regionane Lieuvin og Roumois.
Risle vert rekna som ei kystelv, og fiske er vanleg nedanfor Pont-Audemer.
Den største sideelva hennar er Charentonne. Risle renn gjennom følgjande departement og kommunar: Orne: Sainte-Gauburge-Sainte-Colombe, L'Aigle Eure: Rugles, Beaumont-le-Roger, Brionne, Montfort-sur-Risle, Pont-Audemer
Kategori:Elvar i Normandie Kategori:Orne Kategori:Eure Kategori:Sideelvar til Seinen