Naturskog er definert som skog framkommen ved fornying av naturleg lokalt genmateriale. Her har menneskeleg påverknad funne stad i så lita utstrekning eller så langt att i tid at den naturlege strukturen, samansetnaden og dei økologiske prosessane i skogen ikkje er endra i vesentleg grad.
Nærskylde økosystem
Naturskog blir ofte brukt som motsats til kulturskog, der dei økologiske prosessane i stor grad er modifisert av menneskeleg aktivitet, først og fremst skogbruk. Det meste av skogarealet i Noreg er sterkt påverka av menneske. Likevel har skogen i Noreg i dag ein monnaleg grad av naturlege strukturar slik at han kan seiast å falle innanfor definisjonen ovanfor.
Noko skarpt skil mellom naturskog og kulturskog er det ikkje råd å trekke.
Ordet vert nytta om skog som er for ung eller påverka av menneske i for stor grad til at skogen kan reknast som urskog.
Kjelder: ROLSTAD, J., FRAMSTAD, E., GUNDERSEN, V. & STORAUNET, K. O. 2002. Naturskog i Norge. Definisjoner, økologi, og bruk i norsk skog- og miljøforvaltning. - Aktuelt fra skogforskningen 1-2002. 1-53
Kategori:Skog Kategori:Økosystem