Arve Bakke () er ein norsk fagforeiningsmann som har vore forbundsleiar i Fellesforbundet sidan 2007, då Kjell Bjørndalen gjekk av.
Bakke tok realskulen, eittårig handelsskule og eittårig teknisk skule før han tok fagbrev som platearbeidar og sveisar. Han har bakgrunn som platearbeidar frå verftet Ulstein-Hatlø i Ulsteinvik, der han var aktiv i verkstadsklubben. Han steig i fagforeiningsgradene etter kvart, og i 1984 vart han distriktssekretær i Norsk Jern- og Metallarbeiderforbund, og han var distriktssekretær då Fellesforbundet vart oppretta etter fusjoneringar. Han var 2. nestleiar i forbundet i 2001–2003 og 1. nestleiar i 2003–2007.
Frå 1989 til 2001 var han leiar for Møre og Romsdal Arbeiderparti. Han var i 1996–1997 statssekretær i Administrasjonsdepartementet og Planleggings- og samordningsdepartementet under Bendik Rugaas i regjeringa Jagland.
Kjelder Knut Olav Åmås [red.]: «Anderssen, Torbjørn» i Hvem er hvem? (Aschehoug, 2008). «Arve Bakke» på Wikipedia på bokmål og riksmål, innhenta 11. januar 2010.
Kategori:Norske fagforeiningsleiarar Kategori:Statssekretærar i Regjeringa Jagland Kategori:Statssekretærar frå Ap Kategori:Folk frå Ulstein