Dagbladet er ei norsk landsdekkjande dagsavis. Hagbard Emanuel Berner gav ut fyrste utgåva av avisa den 2. januar 1869. Avisa skifta format frå fullformat til tabloidformat i 1983.
mini|Dagbladetgarden i Akersgata 36.
Avisa er politisk uavhengig, men fram til 1970-åra var avisa nært knytt til partiet Venstre. Framleis kan det sporast ei viss kulturradikalisme i avisa. Avisa har tradisjonelt lagt vekt på å vera ei kulturavis. Samstundes prøver Dagbladet å konkurrera med særleg Verdens Gang (VG) om å vera den største laussalsavisa i Noreg.
Dagbladet.no er nettutgåva til Dagbladet og ein av dei mest trafikkerte norske nettstadane på verdsveven. Ho vart den tredje nettavisa i Noreg, slått på streken av Brønnøysunds Avis, som publiserte si eiga nettutgåve to dagar før Dagbladet.no vart publisert den 8. mars 1995 og musikkavisa Panorama som publiserte si nettutgåve 1. mars same år.
Dagbladet si redaksjonelle målform er bokmål, men nokre av journalistane skriv noko nær samnorsk. Nynorsk er berre tillate i lesarinnlegg eller i debattspalter.
Særleg Dagbladet blei etter Tore Tønnes sjølvmord i 2002 av Norsk Presseforbunds granskningskommisjon kritisert for at avisas journalistikk var for overdimensjonert, personfokusert og delvis var prega av manglande presisjon og nøyaktighet. Dagbladets eigen granskningskommisjon i Tønne-saka konkluderte med at «Mengde, presentasjon, billedbruk og typografi var i overensstemmelse med slik Dagbladet ønsker å fremstå i en løpende nyhetssak».
Opplagstal
Dagbladets ansvarlege redaktørar 1945-d.d. Alexandra Beverfjord 2018 - John Arne Markussen 2011 – 2018 Lars Helle 2010-2011 Lars Helle (kst.) 2010 Anne Aasheim 2006-2010 Lars Helle (kst.) 2006 Thor Gjermund Eriksen 2003-2006 John Olav Egeland 2000-2003 Harald Stanghelle 1995-2000 Bjørn Simensen 1990-1995 Jahn Otto Johansen 1977-1984 Arve Solstad 1973-1990 Roald Storsletten 1959-1980 Helge Seip 1954-1965 Gunnar Larsen 1954-1958 Einar Skavland 1945-1954
Bakgrunnsstoff Dagbladet.no Småbilder av Dagbladets avissider Nasjonalbiblioteket om Dagbladet, med høve til å lesa gamle aviser
Litteratur Dahl, Hans Fredrik (red): Utskjelt og utsolgt - Dagbladet gjennom 125 år, Oslo 1993. ISBN 82-03-22002-9
Kjelder
Kategori:Norske aviser etter namn Kategori:Norske riksdekkjande aviser Kategori:Aviser i Oslo Kategori:Aviser skipa i 1869 Kategori:1869 i Noreg