Tjuvfjorden er ein fjord på sørsida av Edgeøya på Svalbard. Fjorden strekkjer seg om lag 37 km nordaustover til Dyrdalen.
Han har innløp mellom Kvalpynten i nordvest og Negerpynten i søraust. Nesten heilt inne i fjorden ligg Tjuvfjordlaguna på austsida av fjorden, like nedanfor Deltabreen.Norsk Polarinstitutt, Stadnamn i norske polarområde: Tjuvfjordlaguna. Henta 5. september 2019. Kong Ludvigøyane, Bölscherøya og Tusenøyane ligg like utanfor fjorden. Zieglerøya ligg på austsida, inne i fjorden.
Namnet er ei norsk forvansking av det engelske namnet Deevie, igjen ei forvansking av Deicrowes Sound, etter Benjamin Decrowe, som leidde Muscovy Company (Det moskovittiske kompaniet) tidleg på 1600-talet.
Kjelder
The Place-names of Svalbard Norsk polarinstitutt 1942/2001 ISBN 82-90307-82-9
Kategori:Fjordar på Svalbard Kategori:Edgeøya