«The Fat Man» er ein song av den amerikanske rhythm and blues-artisten Fats Domino. Han vart skriven av Domino og Dave Bartholomew, og spelt inn 10. desember 1949. Han vert stundom omtalt som den første rock and roll-songen.
Songen vart spelt inn for Imperial Records i Cosimo Matassa sitt J&M studio på Rampart Street i New Orleans i Louisiana den 10. desember 1949. Lew Chudd på Imperial hadde tidlegare bede Dave Bartholomew om å finne eit lokalt populært talent, og vart mest imponert av Fats Domino, som då spelte på ei arbeidarklassebule i byen.
Domino song og spelte piano i lag med Earl Palmer på trommer, Frank Fields på kontrabass, Ernest McLean på gitar og saksofonistane Herbert Hardesty, Clarence Hall, Joe Harris og Alvin «Red» Tyler.
Songen er ein variasjon av den tradisjonelle New Orleans-songen «Junker's Blues» av Drive'em Down, som òg gav melodi til Lloyd Price sin «Lawdy Miss Clawdy» og Professor Longhair sin «Tipitina». «The Fat Man» inneheld eit tydeleg etterslag som dominerer alle instrument på innspelinga. Domino gjer òg scatsynging på eit par av versa og etterliknar ein dempa Dixieland-trompet.
Plata vart ein lokal hit i New Orleans jula 1949 og var debutsingelen til Domino. B-sida heitte «Detroit City Blues». Imperial reklamerte med at plata hadde seld 10 000 eksemplar i New Orleans på berre ti dagar, og i januar 1950 vart ein nasjonal hit.
Medverkande Fats Domino – piano, vokal Earl Palmer - trommer Frank Fields - kontrabass Ernest McLean - gitar Herbert Hardesty - saksofon Clarence Hall - saksofon Joe Harris - saksofon Alvin «Red» Tyler - saksofon
Kjelder
Denne artikkelen bygger på «The Fat Man (song)» frå , den 20. september 2008. oppgav desse kjeldene: Blue Monday: Fats Domino and the Lost Dawn of Rock 'N' Roll, av Rick Coleman, Da Cappo, 2006
Bakgrunnsstoff
Kategori:Songar frå 1949 Kategori:Fats Domino-songar Kategori:Songar skrivne av Fats Domino Kategori:Imperial Records-singlar Kategori:Canned Heat-songar