Johan Øian () var ein norsk pianist, arrangør og komponist. Han avla organisteksamen ved Trondhjems Musikkskole med Oscar Skau som lærar. Forutan konsertoppdrag, mellom anna med Filharmonisk Selskaps Orkester, arbeidde han som musikar i NRK, der han starta i Kringkastingsorkesteret i 1946 og virka som orkesterpianist og akkompagnatør fram til han døydde. Han improviserte klaverovergangar i direktesending ved den vekentlege Meloditimen med Kringkastingsorkestret og Øivind Bergh som dirigent og programleiar. Vidare akkompagnerte og arrangerte han populærmusikk og komponerte fleire stykke for piano og orgel. Mest kjend er melodiane til Øien til fleire populære barneviser, mellom anna «Noen barn er brune» for Barnetimen, og «Nøtteliten», «Helene Harefrøken» og «Bolla Pinnsvin» til tekstar av Alf Prøysen, innspelt med hans eige ensemble i 1955. Hans «Festmarsj» og «Melodie Beguine» har oppnådd stor popularitet og er spelt inn med Kringkastingsorkestret og Øivind Bergh.
Bakgrunnsstoff Biografi i Norsk pop- og rockleksikon frå 2005
Kategori:Norske pianistar Kategori:Norske komponistar Kategori:Folk frå Os