Rikstad, uttala rækksta eller rikksta , er ein gard på Radøy. Garden vart delt i fleire småbruk alt på 1700-talet, og han vart ytterlegare delt på slutten av 1800-talet. Bruka gav livberging attåt fiske. Gardsdrifta er lagd ned på dei fleste av desse bruka i dag.
På Bautå aust på Rikstad er det ein gamal kolerakyrkjegard som no er teken i bruk som ordinær kyrkjegard.
Namnet Rikstad kjem frå norrønt Rikolfstadr, og kan vere rydda av ein mann med namnet Rikolf, ein gong i vikingtida. Ein gong i løpet av mellomalderen kom garden i kyrkjeeige, og fram til midten av 1800-talet høyrde han til presteembetet i Bø.
Kjelder
Rekstad i Oluf Rygh: Norske Gaardnavne
Kategori:Gardar i Alver