mini|Frikaropptreden med Alexander Rybak. FRIKAR dance company er ei norsk dansegruppe som blander ulike dansetradisjonar til akrobatisk scenekunst og samtidsdans. Gruppa blei oppretta av lausdansaren Hallgrim Hansegård i 2006, og bruker lausdans, breakdans, capoeira, samtidsdans, akrobatikk og original musikk. Gruppa blei internasjonalt kjend då dei opptredde i Eurovision 2009 saman med Alexander Rybak.
Namnet frikar speler dels på det gamle norske ordet frikar, brukt om ein ubunden eller uovervunnen person, og den nyare avleiinga av engelsk freak, om ein som stikk seg ut.
Medlemmer
Dansarar: Hallgrim Hansegård, Martin Myhr, Sigbjørn Rua, Ulf-Arne Johannesen, Solveig Hårdnes, Anders Aasberg, Gjermund Bråten, Bruno Caverna og Ingeleiv Berstad.
Musikarar tilknytt kompaniet: Andreas Ljones, Andreas Bratlie, Frode Haltli, Rolf-Erik Nystrøm og Terje Isungset.
FRIKAR driv også med opplæring i dans ved Frikarakademiet.
Opptredenar og prisar Kompaniet har opptredd for Nasjonalballetten, Ekstremsportsveko, rockefestivalar og folkemusikkfestivalar, og i TV-program som Dansefeber, Norske talenter og Melodi Grand Prix. Dansarane i FRIKAR har også vore modellar for rørslene i dataspelet Age of Conan.
Lausdansførestillinga Kruk! tok til i Egypt der Hansegård og Ljones arbeidde med den store Peer Gynt-forestillinga ved Sfinksen i Giza. Verket gav Hansegård utmerkinga «Årets folkemusikkartist».Bokmålswikipedia oppgav Folkogdans.no: Hallgrim Hansegård , Valdres folkemusikklag: Årets folkemusikkartist 2007 og KRUK - dansegruppa Frikar
I 2009 koreograferte Hallgrim Hansegård sceneshowet til låten «Fairytale» for Alexander Rybak. Rybak hadde fått i oppdrag av Per Sundnes frå NRK å føreslå ein låt som passa til Frikar fordi dei fire beste innslaga i den internasjonale finalen året før hadde hatt mannlege dansarar på scenen. Dansen gjorde gruppa vidkjent i Noreg og utlandet, og gruppa fekk prisen for beste koreografi ved Eurovision 2009.
Førestillingar
LAUS (2005) 33 min. lausdans. Ni utøvarar: Martin Myhr, Sigbjørn Rua, Ulv-Arne Johannessen, Solveig Hårdnes, Anders Aasberg, Hallgrim Hansegård, Gjermund Bråten, Andreas Ljones, Andreas Bratlie
KRUK! (2007) 55 min. lausdans og animasjon. Åtte utøvarar: Martin Myhr, Sigbjørn Rua, Ulf-Arne Johannessen, Solveig Hårdnes, Anders Aasberg, Hallgrim Hansegård, Andreas Ljones, Andreas Bratlie
JAMSÍIS (2007) 37 min, skuggeteater m/live video og animasjon, samtidsdans/capoeira/lausdans. Koreografi: Sølvi Edvardsen. Fem utøvarar: Hallgrim Hansegård, Andreas Ljones, Øyonn Groven Myhren, Andreas Bratlie, Bruno Caverna
BASTARD (2007) 45 min samtidsdans med live video. Seks utøvarar: Rolf-Erik Nystrøm, Terje Isungset, Frode Haltli, Bruno Caverna, Ingeleiv Berstad, Hallgrim Hansegård
Bukkerittet (2008)
THE SNUFF GRINDERS (2008) 40 min capoeira, breaking, lausdans. Åtte utøvarar: Hallgrim Hansegård, Ulf-Arne Johannessen, Prof. Muilinho, Mestre Maclau, Dark Mark og Lars Aastebøl
Fairytale (2009) Dans til «Fairytale» av Alexander Rybak. Koreografi: Hallgrim Hansegård. Tre utøvarar: Torkjell Lunde Børsheim, Sigbjørn Rua og Hallgrim Hansegård.
TidarÅ (2009). Song- og danseførestilling inspirert av Peer Gynt.
Frikar i symfoni (2009) med Oslo Symfoniorkester
Yr (2009). 13 min, første gong framført ved Festspela i Bergen. Ragnhild Hemsing på fiolin og dansar Hallgrim Hansegård.
Kjelder http://frikar.com/ FRIKAR dance company ved folkemusikk.no Frikar ved mic.no Arve Henriksen, I fjor visste ingen hvem de var i aftenposten.no Film 10 Opplæring i dans Frikar-akademiet “THE SNUFF GRINDERS” ved by:Larm YR - Ragnhild Hemsing & Hallgrim Hansegård (www.frikar.com) video ved nme. Nyskapende og spektakulær Peer ved nrk.no
Bakgrunnsstoff Offisiell nettstad Frikar-kanal på Youtube Et kast for Conan i Aftenposten Alt annet enn Grand Prix i nrk.no
Kategori:Norske dansegrupper Kategori:Norsk folkedans Kategori:Capoeira Kategori:Breakdans Kategori:Skipingar i 2006