Nivelle (baskisk Ugarana eller Urdazuri) er ei 41 km lang elv i Baskarland langs grensa mellom Frankrike og Spania. Ho renn frå søraust til nordvest og berre 7 km av ho er kan nyttast til skipsfart. Elva oppstår frå fleire elvar i Urdazubi (Navarra), og går langs den spansk-franske grensa ved Dantxarinea etter 14 km. Elva munnar ut i Biscayabukta ved Saint-Jean-de-Luz.
Området elva renn gjennom har eit mildt klima (middeltemperatur på 14 °C) påverka av fuktige luftmassar frå havet. Dette fører til ein nedbørnormal på 2000 mm årleg i nedslagsfeltet. Stundom, som i 2007 og 1983, har elva gått over breiddene sine etter kraftig nedbør. Mange landsbyar har då vorte hardt råka. Det har lenge vore eit ønske om å bygge ei demning for å regulere elva å hindre framtidige flaumepisodar. Middelvassføringa i elva er 5 m³/s ved Saint-Pée-sur-Nivelle.
Elva er rik på aure, særleg i dei øvre delane. I dei nedre delane av elva finn ein òg laks og stamsild.
Sjå òg Slaget ved Nivelle
Kjelder Denne artikkelen bygger på «Nivelle River» frå , den 11. mai 2009. oppgav desse kjeldene: http://www.geoportail.fr Nivelle i databasen til Sandre
Kategori:Elvar i Frankrike Kategori:Elvar i Spania