Tomas Colin Archer () er ein norsk generalløytnant. Han har hatt ei rekkje stillingar i Forsvaret og har fått fleire utmerkingar for leiarskapen sin. Archer er uteksaminert frå Flygeskulen (1971), Luftkrigsskulen (1977), Luftforsvarets stabsskule I og II (1984), hovudkurset på Forsvarets høgskule (1996) og Royal College of Defence Studies (1999).

Tomas Colin Archer arbeidde som generalinspektøren for Luftforsvaret (GIL) i åra 2000–2004.«Brigader Stein Erik Nodeland ny Generalinspektør for Luftforsvaret » hjå Luftforsvaret (10.09.2004) I jobben som GIL vann Archer i 2003 ein internasjonal pris for resultata han oppnådde med leiingsverktøyet balansert målstyring (BM).«Luftbaronen takker for seg » hjå Forsvaret (01.09.2005) Etter perioden som GIL overtok han som øvste sjef for Fellesoperativt hovudkvarter (FOHK).

Tomas Colin Archer har også fått andre utmerkingar for leiareigenskapane sine i Forsvaret. Han vart tildelt «Årets likestillingspris 2002» og fekk også utmerkinga som «Årets leiar i staten 1998». Den siste fekk han som sjef for Bodø hovudflystasjon i åra 1996–1999. Archer har tidlegare også hatt jobben som sjef for jagarflyskvadronen 334-skvadronen (1984–1989).

26. januar 2006 overtok Archer jobben som generalsekretær i Flyktningehjelpen. Denne jobben hadde han fram til 1. januar 2008. Sidan januar 2008 har han vore styreleiar i stiftinga Norsk Luftfartsmuseum og Norsk Luftfartssenter Bodø a/s. Tomas Colin Archer er også medlem av Utvalet for tryggleik, nedrusting og internasjonale spørsmål og Fagleg råd for statleg leiarskap.Hvem er hvem?, s. 33–34.

Tomas Colin Archer er oldebarn av den kjende skipsbyggjaren Colin Archer. Archer er oppvoksen i Stavern, men bur i Moss, er gift med Kari Archer og har to ungar. Ved kommunevalet i 2007 vart han vald inn i kommunestyret i Moss for Arbeidarpartiet, og sidan 2008 har han vore leiar for Moss Ap.Gjenvalgt som Ap-leder » på Moss Dagblad (28.02.2009)

Kjelder Knut Olav Åmås [red.]: «Archer, Tomas Colin» i Hvem er hvem? (Aschehoug, 2008)

Fotnotar

Kategori:Norske generalar Kategori:Lokalpolitikarar i Moss Kategori:Ap-politikarar i Østfold Kategori:Folk frå Larvik