Dagmar Blix () var ein nordnorsk forfattar og lyrikar. Ho var fødd i Hol utanfor Leknes i Lofoten og var busett i Storfjord ved Stamsund, der ho arbeidde som forfattar og lærar.
Liv Jentenamnet hennes var Dagmar Wulff, og foreldra var Fredrik Wulff og Ingeborg Kristensen.Arne Espeland: Norske skulefolk (1934), side 213
Dagmar Wulff gjekk på Vågan folkehøgskole i 1917–1918.Vågan folkehøgskule 1901-1926, side 99
I 1919 starta Dagmar Wulff på Tromsø lærarskole, og her gjekk ho saman med skrivekunnige folk som Martin Strømnes, Lars Berg og Erling Bakke, fortel ho sjølv.Brev til Troms fylkesmållag sitt prosjekt Nordnorsk litteratur på dialekt og nynorsk, oktober 1980, Statsarkivet i Tromsø Det var også fleire andre målfolk i same kullet, bl.a. Gunnar Gabrielsen (Ankenes) og Sigvard Liljedal (Salangen). Sjølv var Dagmar medlem i riksmålsforeininga.
I 1922 gjekk Dagmar ut av Tromsø lærarskole, og så var ho lærarinne eitt år i Balsfjord før ho i 1923 blei tilsett i Storfjord ved Stamsund.Arne Espeland: Norske skulefolk (1934), side 213
I 1927 giffta Dagmar Wulff seg med Ingvald Blix.Lofotposten, torsdag 30. juni 1927
Dagmar Blix gjekk bort 3. april 1984.Nordlands Framtid, onsdag 11. april 1984Lofotposten, onsdag 18. april 1984
Målsak og nynorsk Dagmar Wulff var medlem i riksmålsforeininga då ho gjekk på lærarskolen i Tromsø. «Til tross for medlemskap i riksmålsforening i lærerskuletida valde ho å ta i bruk nynorsken i forfattargjerninga si. Det gjorde ho etter råd frå ein redaktør i eit riksmålsblad. Han meinte ho skreiv betre på nynorsk enn riksmål.»Troms fylkesmållag sitt prosjekt Nordnorsk litteratur på dialekt og nynorsk, oktober 1980, Statsarkivet i Tromsø
Og heilt frå dei første dikta ho byrja publisere i lokalavisene, skreiv ho på nynorsk, som t.d. i diktet «Eg minnest» (1925).Ofoten Folkeblad, torsdag 16. april 1925
Dagmar Blix var med då Nordland fylkesmållag blei oppattskipa i 1947, men var berre med i styret som vara.Lofotposten, mandag 19. juli 1948
Engasjementet hennes for målsaka var blant anna grunna i argumentet om at nynorsk ligg nærare mange norske dialektar enn bokmål. Ho skreiv sjølv på eit nordnorskprega nynorsk, og fleire av segnene og forteljingane ho samla frå Nord-Noreg er skrivne på ei blanding av dialekt og nynorsk.
Forfattarskapen Forfattarskapen består i hovudsak av barne- og ungdomsbøker, men ho har gjort eit viktig arbeid for å samle og publisere historier og segner frå Lofoten. Engasjementet hennes gav seg utslag i ei rekke radiokåseri. I tillegg var ho aktiv medarbeidar i Norsk Målførearkiv , og ho skreiv kulturhistoriske artiklar i blant anna Håløygminne. Ho skreiv og las ofte eigne prologar og festtalar til forskjellige høve.
Dagmar Blix var i 1977 den første som blei tildelt Vestvågøy kommunes kulturpris. I 1979 fekk ho Blixprisen.
Bibliografi
1948: Prinsesse Gullhjarte og andre eventyrspel, 1, Samling for born. Bøstad : Marius Evjebergs forlag (nynorsk) 1954: Skomakar-Jonas : eventyrspel i 5 akter : for vaksne og born. Bøstad : Marius Evjebergs forlag (nynorsk) 1957: Dei tre mostrene og andre eventyrspel. Bøstad : Marius Evjebergs forlag (nynorsk) 1959: Sylvelin og andre eventyrspel. Bøstad : Marius Evjebergs forlag (nynorsk) 1961: Vargtid : dikt frå krigsåra. Bøstad : Marius Evjebergs forlag (nynorsk) 1965: Draugen skreik : tradisjon frå Lofoten. Oslo : Universitetsforlaget (nynorsk) 1966: I fjell og fjære. Trondheim : Rune forlag (nynorsk) 1971: Ante frå vidda. Trondheim : Rune forlag (nynorsk) 1974: Marit. Trondheim : Rune forlag (nynorsk) 1975: Gamle Lofoten. Orkanger : Rune forlag (nynorsk) 1975: Skatten i Bjønnhaugen. Trondheim : Rune forlag (nynorsk) 1976: Eg elskar livet : dikt. Trondheim : Rune forlag (nynorsk) 1976: Hanen og reven og andre eventyrspel. Dramatisert av Dagmar Blix. Halsøy i Vefsn : Bladet Midnattsol. (nynorsk) 1976: Turid og Bjørg. Trondheim : Rune forlag (nynorsk) 1977: Dyra på Harteigen. Trondheim : Rune forlag (nynorsk) 1978: Henning på Holmen Trondheim : Rune forlag (nynorsk) (Ny utgåve 2018, ved Vestvågøy historielag) 1978: Vanja. Trondheim : Rune forlag (nynorsk) 1979: Landgluntar, teikningar av Anders Moe-Rognhaug. Trondheim : Rune forlag (nynorsk) 1980: Heim til Fagertun ; teikningar av Anders Moe-Rognhaug. Trondheim: Rune forlag (nynorsk) 1981: Prins Dyregod og prinsesse Rosalind : eventyrforteljing. Teikningar av Aashild Havåg Bergseth. Larvik : Norsk barneblads forlag (nynorsk) 1983: Heksedansen. Larvik: Norsk Barneblads forlag (nynorsk)
Kjelder
Bakgrunnsstoff
Blixprisen
Kategori:Norske lyrikarar Kategori:Norske dramatikarar Kategori:Norske forfattarar Kategori:Vinnarar av Blixprisen Kategori:Folk frå Vestvågøy Kategori:Forfattarar frå Nordland Kategori:Nynorskforfattarar Kategori:Nynorsk i Nord-Noreg