Just Johan Bing () var ein norsk litteraturhistorikar og stifts-/statsarkivar. I tillegg til si store interesse for litteratur interesserte han seg sterkt for lokalhistorie, arkeologi og helleristingar. Han tok initiativet til Vestlandske Historielags Fællesforening i 1918, og var mellom skiparane av Landslaget for bygde- og byhistorie i 1920.
Just Bing var fødd i Eidsberg. Han vart student i 1883, og tok filologisk-historisk embetseksamen med lærareksamen 1889–1890. Han vitja fleire tyske universitet, og fekk doktorgraden i 1894 med si tyske avhandling «Novalis (Friedrich v. Hardenberg): eine biographische Charakteristik». Under sine utanlandsreiser (Tyskland, Austerrike, Danmark, Frankrike og Italia) gjorde han litterære og kunsthistoriske studiar. 1895–1901 var han universitetsstipendiat. Han vart utnemnd til stiftsarkivar i Bergen 21. september 1903, ei stilling han hadde i over 30 år.
Han vart gift i 1900 med Marie Grieg (1872-[941). Bing døydde i Follebu i Gausdal.
Verk Novalis (Friedrich v. Hardenberg) : eine biographische Charakteristik, 1893. Tider og idealer. Studier i fransk poesi og malerkunst, 1896. Norske digte og digtere, 1898. Norsk literaturhistorie, 1904. Europas literaturhistorie i det 19. aarhundrede, 1906. Henrik Ibsen, 1909. Norsk litteraturhistorie : til skolebruk, 1915. Aarstads historie, 1922. Rock carvings of the Norse bronze age, 1925. Verdens-litteraturhistorie : grunnlinjer og hovedverker, 3 band 1928-1934 Band 1: Fra Homer til Swift, 1928. Band 2: Fra Voltaire til Balzac, 1929. Band 3: Fra Heine til verdenskrigen, 1934. Fra trolldom til gudetro. Studier over nordiske helleristninger fra bronsealderen, 1937.
Bakgrunnsstoff Stiftsarkivar Bing i Bergensposten, utgitt av Statsarkivet i Bergen.
Kategori:Norske historikarar Kategori:Norske statsarkivarar Kategori:Norske litteraturhistorikarar og kritikarar Kategori:Folk frå Eidsberg