Silje Bjerke () er ein norsk sjakkspelar og den fjerde som har fått tittelen kvinne-IM i sjakk (WIM) i Noreg. Ho er fødd og har vakse opp i Lørenskog, men er nå busett i Oslo, der ho spelar for Schakklubben av 1911 sitt lag i Eliteserien i sjakk. Bjerke er pr. 1. juli 2009 rangert som den nest sterkaste kvinnelege sjakkspelaren i Noreg, etter WIM Ellen Hagesæther.
I 2005 blei Silje Bjerke den første kvinna som spelte i eliteklassa i NM, etter å ha kvalifisert seg via ein 2. plass i meisterklassa året før. Ho spelte på det norske kvinnelandslaget i sjakkolympiaden (lag-VM i sjakk) i 2002, 2004, 2006 og 2008Silje Bjerke sine resultat hos Olimpbase. Ho har også representert Noreg i bl.a. ungdoms- og junior-VM.
I 2008 deltok Silje Bjerke i den 26. opne internasjonale turneringa i Andorra. Dette enda i hennar første innteikning i tittelen Kvinne-IM i sjakk (WIM). I Sjakkolympiaden i Dresden i november 2008 sikra Bjerke seg WIM-tittelen etter 6,5 av 9 poeng i kvinneklassa.
Bjerke blei tildelt tittelen WIM av Verdssjakkforbundet FIDE måndag 9. mars 2009.FIDE sine utnemningar i første kvartal 2009 Silje Bjerke var dermed Noreg sine fjerde WIM.
Silje Bjerke er gift med sjakkspelaren Torstein Bae.
Bakgrunnsstoff Silje Bjerke sin rating hos verdssjakkforbundet FIDE Silje Bjerke sine parti hos chessgames.com Silje Bjerke sine parti i Noreg hos NorBase
Kjelder Norsk Sjakkblad Olimpbase - nettstad med resultata frå alle sjakk-OL
Fotnotar
Kategori:Norske sjakkspelarar Kategori:Kvinne-IM i sjakk Kategori:Folk frå Lørenskog Kategori:Folk frå Oslo Kategori:Sjakkolympiadedeltakarar