mini|250px|Det norske Ministerhotellet i Stockholm. Norsk statsminister i Stockholm var tittelen på eit statsrådsembete frå 1873 til 1905 i Unionen mellom Sverige og Noreg. Noreg sin statsminister i Stockholm hadde etter 1873 rang etter statsminister i Kristiania, men før dette rang framom. Statsministeren i Stockholm leia den norske statsrådsavdelinga der, som hadde hovudsete på Ministerhotellet.
Etter at unionen med Sverige tredde i kraft i 1814 vart den norske regjeringa todelt, med ei avdeling i Kristiania og ei i Stockholm. I den norske grunnlova vart det november 1814 i paragraf 15 teke inn: «Hos Kongen forbliver stedse, under Hans Ophold i Sverige, den Norske Statsminister og tvende af Statsraadets Medlemmer, hvilke sidste aarligen omskifte.» Frå 1814 til 1873 hadde Norges statsminister tilhald ved statsrådsavdelinga i Stockholm. I hans fråvær vart Noregs regjering i Kristiania leia av ein førstestatsråd. Frå 1873 til unionsoppløysinga i 1905 heldt Noreg sin statsminister til i Kristiania, og den norske statsministeren i Stockholm vart hans representant og leiar for statsrådsavdelinga i Stockholm. Før 1873 var statsministeren i Kristiania kalla førstestatsråd.
I løpet av unionen med Sverige fanst det fleire embete med tittelen «statsminister»: Svensk statsminister, Norsk statsminister, Justitie-statsministern, Statsministern för utrikes ärendena og Norsk statsminister i Stockholm.
Norske statsministrar i Stockholm PeriodeNamn1814–1822Peder Anker1822–1827Mathias Sommerhielm1827Poul Christian Holst1827–1828Jørgen Herman Vogt1828–1841Severin Løvenskiold1841–1858Frederik Due1858–1871Georg Sibbern1871–1884Otto Richard Kierulf1884Wolfgang Wenzel Haffner1884Carl Otto Løvenskiold1884–1888Ole Richter1888–1889Jacob Stang1889–1891Gregers Gram1891–1893Otto Blehr1893–1898Gregers Gram1898–1902Otto Blehr1902–1903Ole Anton Qvam1903–1905Sigurd Ibsen1905Jørgen Løvland
Bakgrunnsstoff regjeringen.no: Statsminister i Stockholm 1873-1905 Novembergrunnlova i 1814
Statsminister
Kategori:Norsk politisk historie