mini|Omo-elva, som dei omotiske språka har namnet sitt etter. Dei omotiske språka er ei gruppe på 25–30 språk som blir tala i det sørvestlege Etiopia og såvidt over grensa til Kenya. Det er usemje om både dei indre og dei ytre genetiske relasjonane. Språkgruppa har namnet sitt etter Omo-elva, som renn gjennom delar av dei områda der språka blir tala.

Slektskapstilhøve Indre klassifikasjon Det har vore vanleg å rekne med at dei omotiske språka har tre hovudgreiner, sør-omotisk, nord-omotisk og mao, og Hayward (2003) klassifiserer dei slik:

Derimot reknar Bender (2003) at mao-språka og ta-ne-språka utgjer ei grein av nord-omotisk, med dei dizoide språka som den andre greina, slik at heile familien får denne hovudstrukturen:

1. Aroid (= sør-omotisk hos Hayward 2003) 2. Nord-omotisk 2.1. Dizoid 2.2. Ta-ne-mao 2.2.1 Ta-ne-språk 2.2.2 Mao-språk

Theil (2023) skil mellom sentral omotisk (Central Omotic) og perifer omotisk (Peripheral Omotic):

1. Sentral omotisk 1.1 Ometo 1.2 Gonga 1.3 Bench 1.4 Ts'aara 1.5 Yemsa 2. Perifer omotisk 2.1 Aroid 2.2 Dizoid 2.3 Maoid

Alle forskarar er samde om at undergruppene av sentral omotisk faktisk er omotiske. Det er usemje om undergruppene av perifer omotisk. Er dei i slekt med kvarandre? Er dei omotiske?

Ytre klassifikasjon Det finst fem ulike oppfatningar om slektskapen mellom dei omotiske språka og andre språk; jf. nedanfor. Dei fire fyrste alternativa er presenterte i Hayward (1995), som sjølv er tilhengjar av alternativ 3. Det femte alternativet er føreslege av Theil (2006).

Kjelder

Bibliografi Bender, Marvin L. 2003. Omotic Lixicon and Phonology. Carbondale: Southern Illinois University Printing. Hayward, Richard J. 1995. The Challenge of Omotic. An Inaugural Lecture Delivered on 17 February 1994. London: School of Oriental and African Studies, University of London. Hayward, Richard J. 2003. Omotic. The ‘empty quarter’ of Afroasiatic Linguistics. Pp. 241–261 Jacqueline Lecarme (ed.) Research in Afroasiatic Grammar II. Selected Papers from Fifth Conference on Afroasiatic Language, Paris, 2000. Amsterdam/Philadelphia: John Benjamins Publishing Company. Theil, Rolf 2006. Is Omotic Afroasiatic? A Critical Discussion. (Paper presented at The David Dwyer Retirement Symposium, Michigan State University, October 2006.) Theil, Rolf 2023. General overview of Omotic. Chapter 39 (Pp. 899–947) in R. Meyer, B. Wakjira & Z. Leyew (ed.) 2023, The Oxford Handbook of Ethiopian Languages. Oxford: Oxford University Press.

Kategori:Afroasiatiske språk Kategori:Omotiske språk Kategori:Språk i Etiopia Kategori:Språkfamiliar