Sjøfartsdirektoratet er ein norsk statleg etat under Nærings- og handelsdepartementet. Etaten har ansvar for sikkerheit for liv, helse, fartøy og miljø til sjøs. Den blei oppretta i 1903 som Sjøfartskontoret, med Magnus Andersen som første sjøfartsdirektør.
Direktoratet sitt hovudkontor er plassert i Haugesund, der etaten har 200 tilsette. I tillegg har Sjøfartsdirektoratet 19 stasjonar langs heile norskekysten. Vel 300 personar er tilsett i direktoratet.
Internasjonalt arbeider Sjøfartsdirektoratet tett mot Den internasjonale skipsfartorganisasjonen (IMO – International Maritime Organization) for å samordne regelverk og for å få gjennomslag for norske krav med omsyn til bemanning og krav til sikkerheit ved konstruksjon og drift av fartøy.
Kjelder
Bakgrunnsstoff
Kategori:Norske statsetatar Kategori:Norsk sjøfart Kategori:Haugesund kommune Kategori:Skipingar i 1903