upright|mini|Kalktårnet nær Flamborough Head. Bygd i 1674 og det eldste komplette fyret i England upright|mini|Flamborough fyr Flamborough Head er eit 11 km langt nes som stikk ut i Nordsjøen frå kysten av Yorkshire i England, mellom buktene ved Filey og Bridlington. Den harde kalksteinen neset består av, gjer at det skil seg ut langs den låge kysten ved Holderness i sør. Neset er kjend for det rike dyrelivet sitt. Her ligg òg ein landsby med litt over 2000 innbyggjarar.
Dyreliv Flamborough Head er erklært eit Special Area of Conservation (SAC, særskild verneområde) av det nasjonale Joint Nature Conservation Committee (JNCC). Sjøfugl som havsule og lundefugl hekkar ved klippene og fuglereservatet i Bemptonklippene ligg like i nærleiken. Mange trekkfuglar stoppar her på veg sørover om hausten.
Menneske Det er fleire grotter med spor av menneske i Flamborough enn nokon anna stad i Storbritannia, og den største strekkjer seg meir enn 50 meter innover. Det eldste fyret i Storbritannia, som vart bygd i 1674, står på Flamborough Head.
Landsbyen Flamborough hadde 2 121 innbyggjarar ved folketeljinga i 2001.
Slaget ved Flamborough Head Ein fransk-amerikansk skvadron kjempa mot fregattar frå Royal Navy i slaget ved Flamborough Head under den amerikanske sjølvstendekrigen den 23. september 1779. Britane tapte slaget.
Bakgrunnsstoff Flamborough fugleobservatorium Flamborough Head Danes Dyke Guide til Flamborough
Kjelder Denne artikkelen bygger på «Flamborough Head» frå , den 16. januar 2010.
Denne artikkelen bygger på «Flamborough» frå , den 13. september 2010.
Kategori:Geografi i East Riding of Yorkshire Kategori:Nes i England Kategori:Site of Special Scientific Interest i England