Fjordhest-NM eller Noregsmeisterskapen for fjordhest har blitt arrangert kvart år sidan 1986. Fjordhest-NM er den årlege stormønstringa for fjordhest-ekvipasjar, der det blir konkurrert i dressurriding, sprangriding, dressurkøyring, presisjonskøyring og maratonkøyring. Det har også blitt arrangert terrengritt og andre konkurransar.
Det blir kåra meistrar i dei ulike greinene, og det blir kåra noregsmeistrar for senior og junior, til den beste og mest allsidige ekvipasjen i tre konkurransar samanlagt: Dressurriding, sprangriding og høvesvis presisjonskøyring i juniorklassa og maratonkøyring i seniorklassa.
Til nokre av klassane er det kvalifiseringskrav, medan andre klasser har opa deltaking.
NM for fjordhest blir arrangert av lokale ride- og køyreklubbar, i samarbeid med lokale fjordhestlag og Norges Fjordhestlag. Den første meisterskapen i 1986 gjekk i Førde.
Meisterskapen har hatt aukande deltaking. Meisterskapen i 2009 hadde meir enn 100 deltakande ekvipasjar. Fjordhest-NM 2010 vart arrangert i Ørsta.
Det blir også arrangert Nordisk meisterskap for fjordhest, i det siste annakvart år.
Kjelder NorgesMesterskap for fjordhest, hos Norges Fjordhestlag, vitja 5. februar 2010 Statuttar for NM for fjordhest for 2009, vitja 5. februar 2010 Nordisk Mesterskap for fjordhest hos Norges Fjordhestlag, vitja 5. februar 2010
Kategori:Noregsmeisterskap Kategori:Hestesport i Noreg