Kungsbacka kommun er ein kommune i Hallands län i Sverige. Kommunen grensar innanfor lenet til Varbergs kommun i sør. I tillegg grensar han til fire andre kommunar i Västra Götalands län. Desse er Göteborgs kommun, Mölndals kommun og Härryda kommun i nord, og Marks kommun i aust. Administrasjonssenteret i kommunen er Kungsbacka. Kommunen inngår i Stor-Göteborg.
Vest i kommunen finn ein skjergardskyst, og innanfor eit kupert, skogrikt landskap med mange innsjøar. Det at kommunen ligg så nær Göteborg har bidrege til mykje innflytting, særleg sidan 1960-åra, av folk som arbeider i Göteborg.
Administrativ historikk Då dei svenske kommunalforordningane tredde i kraft i 1863, omfatta området, forutan Kungsbacka stad, tretten av dei fjorten kommunane i Fjäre härad. Slik var det fram til den landsomfattande kommunereforma i 1952, nær nitti år seinare. Då vart desse storkommunane oppretta: Onsala (av Onsala), Fjärås (av Fjärås, Förlanda og Hanhals), Löftadalen (av Frillesås, Gällinge, Idala, Landa og Ölmevalla), Särö (av Släp og Vallda) og Tölö (av Tölö og Älvsåker). Den neste kommunereforma vart gjennomført i tre steg. Allereie i 1969 vart Tölö sameint med Kungsbacka. I 1971 vart Kungsbacka kommun oppretta, då Kungsbacka stad og Särö landskommun vart slått saman. Kommunen vart slik han er i dag i 1974, då Fjärås, Löftadalen og Onsala vart tilførte.
Kommunevåpenet Blasonering: På blå bakgrunn, ein kvinneleg helgenfigur i sølv, med ein stav i høgre handa og ein kalk i venstre, begge delar i gull.«I blått fält en kvinnlig helgonfigur av silver, hållande i höger hand en stav och i vänster en kalk, båda av guld».
Blasoneringa kjem frå eit segl frå 1580-talet. Sidan kyrkja i byen var vigd til St. Gertrud har ein trudd at våpenet viser henne, sjølv om avbiletinga ikkje stemmer heilt. Det vart likevel fastsett i 1948. Etter kommunesamanslåinga i 1971–1974 vart våpenet registrert for den nye kommunen. Det fanst ingen andre våpen i området.
Tettstader Det er 23 tettstader i Kungsbacka kommun.
Tettstadene i tabellen er ordna etter innbyggjartal per 31. desember 2005. Administrasjonssenteret er utheva.
Nr. Tettstad Folketal 1. Kungsbacka 17 784 2. Onsala 11 375 3. BilldalEin mindre del av Billdal ligg i Göteborgs kommun. 9 609 4. Åsa 3 218 5. Kullavik 3 119 6. Särö 2 982 7. Fjärås kyrkby 2 213 8. Frillesås 1 924 9. Backa 1 516 10. Vallda 1 439 11. Anneberg 1 398 12. Västra Hagen 810 13. Ölmanäs 787 14. Buerås 556 15. Halla Heberg 509 16. Lerkil 411 17. Gundal och HögåsMindre delar av Gundal och Högås ligg i Göteborgs kommun og Mölndals kommun. 363 18. Hagryd-Dala 355 19. Hjälmared 341 20. Brattås 339 21. Kläppa 298 22. Hjälm 251 23. Röda holme 201 Kjelder «Kungsbacka kommun» på Wikipedia på svensk, innhenta 4. mars 2010. «Kungsbacka» hjå Store norske leksikon, innhenta 4. mars 2010 (lisensiert under CC-BY-SA).
Referansar
Kategori:Kommunar i Hallands län