«Quinn the Eskimo (Mighty Quinn)» er ein folkrocksong frå 1967, skriven av Bob Dylan under The Basement Tapes-innspelingane. Songen vart ein hit i 1968 for det britiske bandet Manfred Mann, som gav han ut som singel med tittelen «Mighty Quinn».
Temaet i songen er at når den mektige Quinn (ein eskimo) kjem til ein stad vert fortviling til glede og kaos til ro, og han trekkjer til seg merksemda til dyr. Dylan sjølv har sagt at tittelen syner til skodespelaren Anthony Quinn si rolle som eskimo i filmen The Savage Innocents frå 1959.
Manfred Mann-utgåva av songen nådde førsteplassen i Storbritannia, Tyskland og Irland. I USA nådde songen 10. plass og i Noreg 2. plass.
Dylan si første utgjeving av songen var på albumet Self Portrait frå 1970. Dette var eit konsertopptak av songen frå Isle of Wight Festival i 1969. Den same utgåva vart òg gjeven ut på Bob Dylan's Greatest Hits Vol. II i 1971.
Då Columbia omsider gav ut The Basement Tapes i 1975 var ikkje «Quinn the Eskimo» blant dei 24 songane på albumet. Eit opptak frå desse innspelingane vart først gjeven ut på Biograph i 1985.
Salslister
Vekeslister Liste (1968)PlasseringCanada Top Singles RPM3New Zealand (Listener)1Sverige1US Cash Box Top 100Cash Box Top 100 Singles, 6. april 19684
Årslister Liste (1968)PlasseringCanada37US Billboard Hot 100Musicoutfitters.com82US Cash BoxCash Box Year-End Charts: Top 100 Pop Singles, 28. desember 196835
Andre utgåver I tillegg til Manfred Mann er andre artistar som har spelt songen mellom andre Ian and Sylvia, Gary Puckett & The Union Gap, The Hollies, Julie London, Grateful Dead, Les Fradkin, Cornershop og The Black Crowes.
Norsk versjon Jan Erik Vold skreiv ein norsk tekst til songen, kalla «Eskimoen Quinn». Denne vart framført av Kåre Virud i 1977.
Kjelder
Denne artikkelen bygger på «Mighty Quinn (song)» frå , den 13. mars 2010. oppgav desse kjeldene:
Bakgrunnsstoff Teksten
Kategori:Songar frå 1967 Mighty Quinn Kategori:Songar skrivne av Bob Dylan Kategori:Bob Dylan-songar Mighty Quinn Kategori:Fontana Records-singlar Kategori:Songar produserte av Mike Hurst Kategori:Nummer-ein-singlar i Tyskland Kategori:Nummer-ein-singlar i Storbritannia Kategori:Nummer-ein-singlar i Irland Kategori:Lulu-songar Kategori:The Ventures-songar Kategori:The Hollies-songar Kategori:Ian & Sylvia-songar Kategori:James Last-songar Kategori:Julie London-songar Kategori:Hugo Montenegro-songar Kategori:Leon Russell-songar Kategori:Manfred Mann's Earth Band-songar Kategori:Grateful Dead-songar Kategori:Phish-songar Kategori:Solomon Burke-songar Kategori:Kris Kristofferson-songar Kategori:Joan Osborne-songar