Thomas Georg Münster () var ein bergmeister, ordførar og stortingsmann. I tillegg var han entomolog med særleg interesse for biller, ein av skiparane av Norsk entomologisk forening. Han var både fødd og døydde i Oslo.
Berg- og myntmeister Münster var son av ein metallurg, og tok sjølv bergeksamen i 1878. Han avla praktisk prøve i 1879, og var sidan knytt til Bergverket og Den Kongelege Mynt på Kongsberg det meste av sitt yrkesliv. Han arbeidde som assistent ved Norges Geologiske Undersøkelser 1882-1897, for det meste på Oslofeltet. 1899-1906 var han myntmeister, 1906-11 bergmeister i Finnmark og 1911-1918 bergmeister i 'Østlandske bergdistrikt'. Han skreiv fleire arbeid om geologi, særleg om Gudbrandsdalen.
Ordførar og stortingsmann Münster var medlem av formannskapet på Kongsberg frå 1885-96 og 1899-1904. Han var ordførar i 1888, 1892-96 og 1900-04. Ei tid var han stortingsmann, han møtte på Stortinget fyrste gongen i 1891 frå 6. mars som varamann for representanten frå Kongsberg. Periodane 1892-94 og 1895-97 var han vald stortingsrepresentant for Venstre frå Kongsberg. I 1891 var han medlem av landbrukskomiteen, sekretær i Odelstinget 1892-94, i landbrukskomiteen 1892-97 og i Stortinget 1895-97.
Entomolog Münster var sannsynlegvis den som kom med idéen då Norsk entomologisk forening vart stifta i 1904. Han var vald til fyrste formann i foreininga, eit verv han hadde i 29 år. I 1937 vart han utnemnd til heidersmedlem.
Etter han gjekk av med pensjon som bergmeister i 1918 fekk Münster statsstipend for å vidareføre sitt vitskaplege arbeid med entomologien. Han arbeidde då ved Zoologisk museum i Oslo. Då han avslutta arbeidet, overlet han ei velorganisert insektsamling på over 80 000 biller, fordelt på 12 000 ulike artar, til Zoologisk Museum i Oslo og Bergen Museum. 65 av billeartane han omtala var nye for vitskapen.Sømme. L. 2004. Side 61.
1921-32 var han den fyrste redaktøren i Norsk Entomologisk Tidsskrift. Han skreiv meir enn 70 artiklar om entomologiske emne. Han gav ei omfangsrik, privat boksamling om entomologi til Universitetsbiblioteket i Oslo. I løpet av si levetid utarbeidde han eit manuskript i 12 store bind, der han oppsummerte samtlege av dei til då kjende funn av norske billeartar.
Zoogeograf Münster arbeidde også med zoogeografi. Saman med Knut Dahl og Johannes Lid skreiv han i 1924 verket A division of Norway into bio-geographical sectional areas agreed upon by botanists and zoologists.Knut Dahl, Johannes Lid, Münster, T. 1924.Natvig, L.R. 1938.Broch, H. 1938.
Kjelder Lindstøl, Tallak: Stortinget og Statsraadet 1814-1914. Kristiania, 1914 Bokmålswikipedia
Notar
Litteratur Hjalmar Broch:Minnetale over bergmester Thomas Georg Münster i Det Norske Vitenskapsakademiets årbok 1938, side 59-63. Dahl, K., Lid, J., Münster, T.:A division of Norway into bio-geographical sectional areas agreed upon by botanists and zoologists. Videnskapsselsapets Skr., Mat.nat. Klasse No. 7. 18 sider. 1924. Leif Reinhardt Natvig:Thomas Georg Münster i Norsk Entomologisk Tidsskrift, Bind 5. Side 49-54. Entomologien ved Det Kongelige Frederiks Universitet. 1. Tidsrommet 1813-1907.. Norsk entomologisk tidsskrift. Bind 7 (1/2). Side 1-73. Lauritz Sømme & Lars Ove Hansen (biletredaktør):Entomologiens historie i Norge. Norsk entomologisk forening * 1904-2004 - Norsk entomologisk forening, Zoologisk museum, Universitetet i Oslo. 326 sider. ISBN 82-996923-1-8. 2004
Kategori:Stortingsrepresentantar 1889-1891 Kategori:Stortingsrepresentantar 1892-1894 Kategori:Stortingsrepresentantar 1895-1897 Kategori:Norske vitskapsfolk Kategori:Ordførarar i Kongsberg Kategori:Venstreordførarar i Buskerud Kategori:Stortingsrepresentantar for Kongsberg Kategori:Stortingsrepresentantar frå Venstre