Even Tolleivsson Nubberud () var ein norsk gardbrukar og stortingsmann frå Sigdal i Buskerud.
Even Tolleivsson var fødd på garden Rolstad i Sigdal. Ved folketeljinga 1801 budde han på garden, som den eldre broren hans hadde teke over, sjølv var han «Kleinsmed og arbejder for dagløn».http://digitalarkivet.no/cgi-win/WebCens.exe?slag=visbase&sidenr=12&filnamn=f1801&gardpostnr=16128&personpostnr=263356&merk=263356#ovre Sidan gifta han seg med enkja Live Torsteinsdotter (1762–1840) på garden Nubberud i Sigdal og var gardbrukar på Nubberud fram til han døydde.
Even Nubberud var 1. representant frå Buskeruds amt på Stortinget 1821 og omframstortinget 1822. Han var medlem av fire komitear, der i mellom om skysslova. Både til Stortinget 1815-16 og 1818 vart han vald til 1. varamann.
Han døydde på garden sin i Sigdal i 1859.
Kjelder Lindstøl, Tallak: Stortinget og Statsraadet 1814-1914. Kristiania, 1914
Notar
Kategori:Stortingsrepresentantar 1821-1823 Kategori:Stortingsrepresentantar for Buskerud Kategori:Norske gardbrukarar Kategori:Folk frå Sigdal