Nicolai Ulstad () var ein skulemann og stortingsmann frå Trondheim.
Ulstad, som var son til ein kjøpmann, vart student frå Trondhjems skole i 1829 og cand. theol. i 1837. Då Klæbu seminar vart oppretta i 1839 vart han andrelærar der. Styrar av seminaret frå 1860 til 1874.
Ulstad var medlem av heradsstyret i Klæbu, ordførar 1856-63. Frå 1858 til 1874 var han sparebankdirektør (styreleiar). Han representerte Søndre Trondhjems amt på Stortinget 1857 og 1858, samt 1859-60. Han var heile tida medlem av kyrkjekomiteen.
Ulstad døydde i 1875 på garden Torven i Klæbu, ein gard han eigde.
Kjelde Lindstøl, Tallak: Stortinget og Statsraadet 1814-1914. Kristiania, 1914
Kategori:Stortingsrepresentantar 1857-1858 Kategori:Stortingsrepresentantar 1859-1861 Kategori:Stortingsrepresentantar for Søndre Trondhjems amt Kategori:Folk frå Trondheim