«Big Yellow Taxi» (Stor gul drosjebil) er ein song skriven og framført av Joni Mitchell i 1970. Det vart ein stor hit i heimlandet Canada (#14), samt i Australia (#6) og Storbritannia (#11). Han nådde berre 67. plass i USA i 1970, men vart ein større hit for henne med ein konsertversjon i 1975, som nådde 24. plass.

The Neighborhood si utgåve av songen nådde òg hitlista i USA i 1970 med ein 29. plass. I tillegg har Maire Brennan, Amy Grant og Counting Crows hatt hitversjonar av songen.

Mitchell si utgåve

Mitchell fekk ideen til songen under ei reise til Hawaii. Ho såg ut av hotellvindauget mot den vakre naturen med Stillehavet og fjella i bakgrunnen, og så ned på ein parkeringsplass.

Mitchell snakka om songen til journalist Alan McDougall tidleg i 1970-åra:

Songen er kjend for miljøbodskapet (frå teksten «They paved paradise to put up a parking lot» - «Dei asfalterte paradis og bygde ein parkeringsplass», «Hey farmer, farmer, put away that DDT now» - «Hei, bonde, bonde, legg frå deg den DDTen no») og den sentimentale stilen. Linja «Took all the trees, put 'em i a tree museum/And charged the people a dollar and a half just to see 'em» syner til Foster Botanical Garden i sentrum av Honolulu, som er ein botanisk hage av tropiske planter, somme sjeldne og utryddingstrua.

Den originale innspelinga til Mitchell vart først gjeven ut som singel og kom sidan ut på albumet Ladies of the Canyon i 1970.  Ein seinare konsertversjon vart gjeven ut i 1975 og nådde 24. plass i USA. Den leikande teksten til Mitchell har gjort songen til ein av dei mest kjende songane hennar, og vert framleis mykje spelt på radio. I 2005 vart songen kåra til den 9. beste kanadiske songen gjennom tidene.

I 2007 gav Joni Mitchell ut albumet Shine som inneheld ei nyinnspeling og omarrangering av songen.

Salslister Liste (1970)PlasseringCanada Top Singles (RPM)14UK Singles (The Official Charts Company)11US Billboard Hot 10067US Billboard Easy Listening33 Liste (1974–75)PlasseringUS Billboard Hot 10024US Billboard Easy Listening27 Liste (1996)PlasseringUS Billboard Hot Dance Club Play39

Salstrofé

Andre versjonar

Mange andre artistar har spelt songen, mellom andre Amy Grant, Melanie (Melanie Safka), Counting Crows med og utan Vanessa Carlton, Sandi Thom, Kaya, Pinhead Gunpowder, Paul Tillotson, Moya Brennan, Keb Mo, Chris Thomas King, Keren Ann, acappellakvintetten Toxic Audio, Bob Dylan, Green Day, The Tragically Hip og Jack Johnson.  Tracy Chapman har spelt songen på mange av konsertane sine.

1970-åra Ei singelutgåve av vokalgruppa The Neighborhood nådde 29. plass i USA sommaren 1970. Bob Dylan spelte inn songen under innspelinga av albumet New Morning i 1970, men han kom ikkje ut før i 1973 på samleplata Dylan. Han skreiv noko om teksten der taxien vart ein bulldosar som «took away the house and land». Joe Dassin skreiv om songen til fransk som «Le Grand Parking».

1980-åra Opningssporet «Lies (through the 80's)» på albumet Chance av Manfred Mann's Earth Band inneheld tekst og melodi frå songen. Ein langsam jazzversjon finst på eit album av B.B. Gabor. Det vert vist til songtittelen av Janet Jackson på singelen hennar «The Pleasure Principle» frå albumet Control frå 1986.

1990-åra I 1993 gav Máire Brennan ut songen som singel med tilhøyrande video. Songen vart ein hit i fleire land.Misty Eyed Adventures. I 1994 spelte punkrockbandet (og sideprosjektet til Green Day-medlemmet Billie Joe Armstrong) Pinhead Gunpowder songen for debutalbumet Jump Salty. I 1995 gav Amy Grant ut ein versjon av «Big Yellow Taxi» som vart mykje spelt på radio i både USA og Storbritannia. Singelen nådde 67. plass i USA og 20. plass i Storbritannia. Grant laga òg musikkvideo til songen. I 1996 gjekk «Big Yellow Taxi (Traffic Jam Mix)» opp til 39. plass på den amerikanske danselista og vart gjeven ut på musikken frå fjernsynsserien Friends. Songen vert sampla i Janet Jackson og Q-Tip-songen «Got 'Til It's Gone» frå Jackson sitt The Velvet Rope frå 1997.

2000-åra Counting Crows med Vanessa Carlton (på korvokal) spelte inn songen til filmen Two Weeks Notice og vart gjeven ut som singel. Singelen nådde heilt opp til 13. plass på lista i USA og er slik den mest suksessrike versjonen av songen. Den britiske jazzsongaren Norma Winstone og the NDR Big Band spelte inn songen på albumet It's Later Than You Think i 2006. Den tyske popsongaren Nena spelte inn ein versjon av songen i 2007 på albumet hennar Cover me.

Salslister for andre artistar Amy Grant-versjonen

Salslister Vekeslister Liste (1994)PlasseringEuropa (Eurochart Hot 100)67Island (Íslenski Listinn Topp 40)4

Årslister Liste (1994)PlasseringCanada Adult Contemporary (RPM)47Island (Íslenski Listinn Topp 40)96

Counting Crows og Vanessa Carlton-versjonen Vekeslister Liste (2003)PlasseringEuropa (Eurochart Hot 100)43Romania (Romanian Top 100)23

Årslister Liste (2003)PlasseringAustralia (ARIA)15Nederland (Nederlandsk Topp 40)93New Zealand (Recorded Music NZ)11UK Singles (Official Charts Company)183

Salstrofé

Norsk versjon Bjelleklang gav ut ein norskspråkleg versjon omsett av Finn Evensen kalla «Jeg sku' vært på Kurland i natt», gjeve ut på albumet Kort ved øra i 1996.

Kjelder Denne artikkelen bygger på «Big Yellow Taxi» frå , den 19. januar 2011. oppgav desse kjeldene:

Bakgrunnsstoff Joni Mitchell Teksten til originalversjonen på jonimitchell.com

Kategori:Songar frå 1970 Kategori:Singlar frå 2002 Kategori:Debutsinglar Kategori:Joni Mitchell-songar Kategori:Counting Crows-songar Kategori:Miljøsongar Kategori:Bob Dylan-songar Kategori:Songar skrivne av Joni Mitchell Kategori:Debutsinglar Kategori:Songar frå 1970 Kategori:Singlar frå 2002 Kategori:A&M Records-singlar Kategori:Joni Mitchell-songar Kategori:Songar produserte av Joni Mitchell Kategori:Songar produserte av Steve Lillywhite Kategori:Songar skrivne av Joni Mitchell Kategori:Miljøsongar Kategori:Geffen Records-singlar Kategori:RCA Records-singlar Kategori:Reprise Records-singlar Kategori:Sony BMG-singlar Kategori:Vanessa Carlton-songar Kategori:Bob Dylan-songar Kategori:Counting Crows-songar Kategori:Amy Grant-songar Kategori:Keb' Mo'-songar Kategori:Nena-songar Kategori:Ane Brun-songar Kategori:Percy Faith-songar Kategori:Dick Hyman-songar