Jens Gram Thaulow () var ein norsk embetsmann og stortingsmann frå Kristiansand.
Thaulow var son til ein by- og rådstuskrivar. Han tok dansk embetseksamen i 1797 og arbeidde frå 1798 som justissekretær i heimbyen. År 1805 tilsett som fullmektig i rentekammeret i København. Den lange perioden 1808 til 1860 var han sorenskrivar i Hadeland og Land.
Thaulow representerte Kristians amt på Stortinget i 1827 og på omframstortinget året etter. I 1827 var han sekretær i Odelstinget, justiskomiteen og komiteen om Larviks grevskap samt medlem av komiteen om kjøpstad på Oplandene. 1828 var han sekretær i Stortinget og i reglementskomiteen.
I si tid som sorenskrivar budde han på Jevnaker, der han døydde i 1862.
Kjelder
Lindstøl, Tallak: Stortinget og Statsraadet 1814-1914. Kristiania, 1914
Bakgrunnsstoff Slektstreet til Jens Thaulow på Geni.com
Kategori:Stortingsrepresentantar 1827-1829 Kategori:Stortingsrepresentantar for Oppland Kategori:Norske sorenskrivarar Kategori:Folk frå Kristiansand