Ole Hovelsen Mustad () var ein norsk industripioner, lensmann og stortingsmann. Han var leiande i utviklinga av firmaet O. Mustad & Søn. Mustad var frå Vardal. Kristian Mustad var sonen hans.
Mustad var lensmann i Vardal frå 1834 til 1857. Han tok i 1843 over Brusveen Spiger- og Staaltraadfabrikk, grunnlagt av svigerfaren Hans Skikkelstad i 1832. Firmaet vart heitande O. Mustad. Fabrikken låg ved Hunnselva i Vardal. Mustad utvida drifta til å omfatte både støyperi og sagbruk, attåt den opphavlege produksjonen av ståltrad og spikar.
I 1874 vart sonen Hans Mustad medeigar, og firmanamnet vart endra til O. Mustad & Søn. Spikarproduksjonen vart flytta til Lysaker i Bærum i 1876. Fabrikken i Vardal spesialiserte seg frå då av på å lage fiskekrokar.Timeline - Mustad.noHistory - Mustad Eiendom Selskapet vart verdas største produsent av fiskekrokar.
Mustad representerte Kristians amt på Stortinget i 1854. Han var medlem av næringskomite nr 1. Også medlem av forlikskommisjonen og direktør i sparebanken.
Han døydde på Brusveen i Vardal, garden der han hadde budd sidan 1836.
Kjelder Lindstøl, Tallak: Stortinget og Statsraadet 1814-1914. Kristiania, 1914 Notar
Kategori:Stortingsrepresentantar 1854-1856 Kategori:Folk frå Gjøvik