Neri Gulbransson Kolkinn () var ein norsk lærar, gardbrukar og stortingsmann frå Flesberg i Buskerud.
Kolkinn var son til ein husmann og handverkar. Sjølv var han lærar i sju år og ei tid tømmerhandlar for eit større firma. Frå 1883 var han gardbrukar på Lande i Flesberg, garden kjøpte han av svigerfaren. Han var ordførar i Flesberg 1884-87, og 1890. Også forlikskommissær og medlem av amtsutvalet.
Kolkinn vart vald til 1. representant for Buskeruds amt på Stortinget for perioden 1889-91. I 1889 var han medlem av gasje- og pensjonskomiteen. Han røysta i lag med Moderate Venstre. Vinteren 1890 døydde han på garden sin i Flesberg.
Kjelder Lindstøl, Tallak: Stortinget og Statsraadet 1814-1914. Kristiania, 1914
Kategori:Stortingsrepresentantar 1889-1891 Kategori:Folk frå Flesberg Kategori:Norske gardbrukarar frå 1800-talet