Brick by Brick er det tiande studioalbumet til den amerikanske songaren Iggy Pop, gjeve ut i juni 1990 av plateselskapet Virgin.
Etter å ha fått blanda kritikk for albuma sine gjennom heile 1980-åra, hyrte Pop inn Stooges-tilhengjaren Don Was som produsent, som seinare òg produserte Avenue B, og valde ein hardare rockestil. Mange av songane på albumet har tekstar som omhandlar faren for kulturelt forfall i USA.
Slash og Duff McKagan frå Guns N' Roses deltok begge på albumet som musikarar og låtskrivarar. Plateomslaget vart teikna av teikneserieteiknaren Charles Burns. Andre musikarar på albumet var Waddy Wachtel og Kenny Aronoff. Albumet var det første studioalbumet til Pop der han spelar gitar.
Albumet fekk noko av den beste kritikken Pop hadde hatt sidan samarbeida med David Bowie og «Candy», med The B-52's-vokalisten Kate Pierson, vart den første hitten hans på MTV. Videoen vart mykje spelt på kanalen. Det vart òg laga videoar for «Home», «Butt Town» og «Livin' On the Edge of the Night».
Albumet nådde 90. plassen på Billboard 200 i USA og låg på lista i 45 veker. Songen «Livin' On the Edge of the Night» vart gjeven ut før resten av albumet og på filmmusikkalbumet til filmen Black Rain med Michael Douglas og Andy García. Songen nådde 16. plass på Modern Rock Tracks. «Candy» nådde 30. plassen på Mainstream Rock Tracks, femteplassen på Modern Rock Tracks og 28. plassen på Billboard Hot 100. Den første singelen frå albumet, «Home», nådde andreplassen på Modern Rock Tracks.
Brick by Brick vart det første albumet til Igyy som selde til gullalbum i USA, meir enn 500 000 selde eksemplar. Etter albumet la Iggy ut på ein verdsturne. Konserten hans i 1991 i Paris vart filma og sidan gjeven ut på DVD. Fleire kjende tilhengjarar dukka opp på scenen med Iggy under turneen, som Johnny Depp.
Innhald
Medverkande Iggy Pop - vokal, gitar Waddy Wachtel - gitar Charley Drayton - bass Chuck Domanico - bass Duff McKagan - bass Slash - sologitar Jamie Muhoberac - klaverinstrument Kenny Aronoff - trommer David Lindley - fiolin, mandolin David McMurray - saksofon Kate Pierson - duett på «Candy» John Hiatt - duett på «Starry Night» Scott Hackwith - korvokal Sweet Pea Atkinson - korvokal Sir Harry Bowens - korvokal Alex Brown - korvokal Ray Mitchell - korvokal
Teknisk Don Was: produsent Ed Cherney: lydteknikar Greg Fulginiti: mastering Suchi Asano Osterberg - produksjonskoordinering
Kjelder
Denne artikkelen bygger på «Brick by Brick» frå , den 21. oktober 2011. oppgav desse kjeldene:
Kategori:Iggy Pop-album Kategori:Musikkalbum frå 1990 Kategori:Album produserte av Don Was Kategori:Virgin Records-album