Niagarahalvøya (engelsk Niagara Peninsula) er den delen av det sørlege Ontario i Canada som ligg mellom den sørlege breidda til Lake Ontario og den nordlege breidda til Eriesjøen. Området strekker seg frå Niagaraelva i aust til Hamilton i Ontario i vest. Det bur om lag ein million menneske på halvøya. Regionen på motsett side av Niagaraelva og Eriesjøen, som ligg i staten New York i USA, er kjent som Niagara Frontier. Området dannar ein del av av den større regionen Buffalo Niagara.
Offentleg styre Størstedelen av halvøya er lagt inn under Regional Municipality of Niagara. Av byar i regionen kan nemnast St. Catharines, Niagara Falls, Thorold, Port Colborne og Welland. Av småbyar har ein Niagara-on-the-Lake, Lincoln, Pelham, Grimsby og Fort Erie, i tillegg til landkommunane Wainfleet og West Lincoln.
Kjelder
Denne artikkelen bygger på «Niagara Peninsula» frå , den 30. oktober 2011.
Bakgrunnsstoff Nettstaden til The Regional Municipality of Niagara
Kategori:Geografi i Ontario