Distriktet Albula (tysk Bezirk Albula, retoromansk dertgira Alvra) er eit tidlegare sveitsisk distrikt midt i kantonen Graubünden. Distriktet hadde namn etter elva Albula (retoromansk Alvra) og omfatta dalen der ho renn, og så dalen der bielva Julia (retoromansk Gelgia) renn. Distriktet dekte eit areal på 723 km² og hadde 8700 innbyggarar. Området var tidlegare dominert av retoromansktalande, men tysk var seinare med sine 66 % det mest nytta språket i distriktet. Retoromansk er framleis fleirtalsspråk i fleire kommunar. Tre prosent snakkar italiensk; mesteparten av desse bur i kommunen Bivio lengst sør i distriktet.
Distrikta i Graubünden var reint administrative einingar. Distriktet blei erstatta med Albula-regionen 1. januar 2017 som del av ei omorganisering av kantonen.Swiss Federal Statistical Office - Amtliches Gemeindeverzeichnis der Schweiz - Mutationsmeldungen 2016 accessed 16 February 2017
Distriktet Albula var delt opp i fire krinsar (tysk Kreis, retoromansk circul) og til saman 23 kommunar. Krinsane og kommunane var:
Kreis Alvaschein / Circul Alvaschagn Kommunenamnn Areal(km²) Innbyggar-tal Språk tysk retoromansk italiensk Alvaschein 4 143 53 % 40 % 3 % Mon 8 91 45 % 52 % 1 % Mutten 10 87 99 % 1 % 0 % Stierva 11 134 33 % 66 % 1 % Tiefencastel 15 261 58 % 38 % 1 % Vaz/Obervaz 43 2641 82 % 9 % 2 % Heile krinsen 91 3357 76 % 16 % 2 %
Kreis Belfort / Circul Belfort Kommunenamnn Areal(km²) Innbyggar-tal Språk tysk retoromansk italiensk Alvaneu 36 421 76 % 17 % 3 % Brienz/Brinzauls 13 114 68 % 32 % 0 % Lantsch/Lenz 22 505 54 % 37 % 2 % Schmitten 11 266 94 % 1 % 1 % Surava 7 200 78 % 11 % 2 % Heile krinsen 89 1506 71 % 21 % 2 %
Kreis Bergün / Circul da Bravuogn Kommunenamn Areal(km²) Innbyggar-tal Språk tysk retoromansk italiensk Bergün/Bravuogn 146 505 84 % 11 % 3 % Filisur 44 487 85 % 3 % 7 % Heile krinsen 220 1339 88 % 6 % 4 %
Circul Surses / Kreis Surses Kommunenamnn Areal(km²) Innbyggar-tal Språk tysk retoromansk italiensk Bivio 77 220 55 % 12 % 29 % Cunter 7 215 36 % 51 % 6 % Marmorera 19 47 57 % 35 % 6 % Mulegns 34 27 42 % 58 % 0 % Riom-Parsonz 56 335 34 % 64 % 2 % Salouf 31 213 20 % 78 % 1 % Savognin 22 982 37 % 53 % 4 % Sur 23 84 22 % 75 % 3 % Tinizong-Rona 54 353 39 % 50 % 3 % Heile krinsen 323 2476 37 % 53 % 6 %
Folketal og språkdelar byggjer på folketeljinga frå 2005.
Kjelder
Denne artikkelen bygger på «Distriktet Albula» frå , den 24. januar 2012 og 12. april 2017
Albula Albula