Sjå òg Katla (fleirtyding).
Katla er ein islandsk vulkan som er kjend som ein av dei farlegaste på øya. Han ligg nord for Vík í Mýrdal og aust for den vesle isbreen Eyjafjallajökull. Vulkantoppen er på 1 512 meter, medan breen Mýrdalsjökull som ligg over han har ein flatevidd på 595 km². Vulkankrateret har ein diameter på 10 km. Katla har vist teikn på uro den siste tida og geologar fryktar at eit utbrot er i vente i nær framtid.
Vulkanen har utbrot med rundt 40 til 80 års mellomrom. Det siste utbrotet var i 1918Háoskóli Íslands Institute of Earth Sciences:: «Eruptions in the Katla volcanic centre in historical times», men det kan ha vore eit lite eitt i 1955Háoskóli Íslands Institute of Earth Sciences: «Katla Volcano», så vulkanen blir nøye vakta for teikn på eit nytt. Sidan 930 har ein dokumentert 16 utbrot. Eldgjá og Lakagigar er med i det same vulkanske systemet, slik at det kan reknast som eitt av dei kraftigaste i verda.
Før hringvegur (den islandske ringvegen) vart bygd frykta folk å reise over sletta føre vulkanen fordi det ofte oppstår jökulhlaup og det er djupe elvar som må kryssas. Særleg farleg var jökulhlaupen etter utbrotet i 1918. Då utbrotet i 1755 var på sitt verste vart flaumvassføringa estimert til mellom 200 000–400 000 m³/s. Til samanlikning er den samanlagte middelvassføringa til Amazonaselva, Mississippielva, Nilen og Chang Jiang om lag 290 000 m³/s.
Referansar
Bakgrunnsstoff
Det geovitskaplege instituttet på Island om Katla Webkamera frå Katla
Kategori:Vulkanar på Island Kategori:Fjell på Island Kategori:Subglasiale vulkanar Kategori:Aktive vulkanar Kategori:VEI-5-vulkanar