Amund Maarud () er ein prisløna norsk blues- og rockemusikar, kjend frå banda The Grand og Morudes og som soloartist. Maarud er både vokalist og gitarist.Offisiell nettstad

Biografi

MaarudKara

Amund Maarud vaks opp i Skogbygda i Nes kommune i Akershus. Allereie som seksåring starta han sitt fyrste band, MaarudKara med veslebroren Henrik Maarud på trommer. I 1992 kom også naboguten Simen Aanerud med på piano. I 1993 spelte MaarudKara inn ein kassett som fekk tittelen Burnin' Blues og inneheldt coverlåtar. Året etter spelte dei inn Lost in the Blues, der Aanerud også hadde komponert ein eigen låt. Same året deltok dei på Eidsvoll Blues Festival. I 1994 og 1995 deltok dei også i Ungdommens Kulturmønstring og kom til fylkesfinalen i Akershus. Gruppa mottok Nes kommune sin heiderspris i 1994 og kulturstipendet frå kommunen i 1996.

I 1997 deltok MaarudKara i NRK-programmet Talentiaden, men kom på andreplass. Dei heldt likevel fram, og spelte på Notodden Blues Festival same sommaren. Dei fekk platekontrakt med Tylden & Co og gav ut plata First Blues i 1999. Etter dette gav gruppa seg, og Amund Maarud starta no som soloartist, med Amund Maarud Band. Han har spelt mykje med dei to andre bandmedlemmene frå MaarudKara seinare.

Solokarriere

I 2003 gav han ut bluesplata Ripped, Stripped and Southern Fried under sitt eige namn.Ripped, Stripped and Southern Fried på Rockipedia Plata fekk gode kritikkar, selde over 6000 eksemplarBiografi om Maarud skriven av Rune Johansen på NRK.no og vart nominert til Spellemannprisen 2003 i kategorien Blues/Country. Året etter gav Maarud ut Commotion.Commotion hjå Platekompaniet Ein av låtane på plata, «I Always Want (What I Can't Have)» hadde jazzmusikaren Tord Gustavsen med på piano. Plata fekk likevel ikkje så gode kritikkar som fyrsteplata til Maarud.Platemelding av Commotion i Puls av Arild Rønsen, 13.05.04.

The Grand og Morudes

I 2006 starta Maarud rockegruppa The Grand. Gruppa hadde same medlemmene som dei han hadde spelt med tidlegare, nemleg Henrik Maarud (trommer), Per Tobro (bass) og Eirik Tovsrod Knutsen (hammondorgel, slagverk). Platedebuten deira, som fekk tittelen The Grand kom ut i 2007, og gruppa spelte på ymse festivalar både i Noreg og i utlandet. Gruppa er ikkje aktiv i dag. I 2010 gjekk brørne Maarud saman og danna duoen Morudes, men har enno ikkje gjeve ut noko under dette namnet. Amund Maarud debuterte òg som skodespelar dette året, med ei mindre rolle i filmen Kommandør Treholt og Ninjatroppen.Amund Maarud på Filmfront.no

Meir solo

I 2011 tok Amund Maarud til som solobluesartist igjen, og laga plata Electric der han blanda inn element og effektar frå rock og latinomusikk. Plata, som vart lovprist av fleire anmeldararPlatemelding av Electric i Puls, 14.09.11.Platemelding av Øyvind Rønning i Dagbladet, 02.08.11 og vann Spellemannprisen 2011 i kategorien for blues.

Albumliste

1999: MaarudKara - First Blues 2003: Ripped, Stripped and Southern Fried 2004: Commotion 2007: The Grand - The Grand EP 2007: The Grand - The Grand 2011: Electric

Kjelder

, henta inn 4. april 2012. Avsnittet om MaarudKara er henta frå biografi om Amund Maarud av Rune Johansen på NRK.no

Fotnotar

Kategori:Norske bluesmusikarar Kategori:Norske gitaristar Kategori:Norske songarar Kategori:Vinnarar av Spellemannprisen Kategori:Folk frå Nes Kategori:Bluesgitaristar Kategori:Bluessongarar