Harry Potter og Mysteriekammeret er ein fantasy-film frå 2002 regissert av Chris Columbus og basert på romanen med same namn av J.K. Rowling. Det er den andre filmen i Harry Potter-serien, skrive av Steve Kloves og produsert av David Heyman. Filmen handlar om Harry Potter sitt andre år på Galtvort, der Smygards arving opnar Mysteriekammeret og slepp laus eit dødeleg monster som forsteinar skulen sine elevar. Daniel Radcliffe spelar Harry Potter og Rupert Grint og Emma Watson spelar Harry sine bestevener Ronny Wiltersen og Hermine Grang. Det er oppfølgjaren til Harry Potter og de vises stein og forgjengaren til Harry Potter og fangen fra Azkaban. thumb|The flygande Ford Anglia brukt i filmen. Handling Harry blir send opp på rommet sitt medan familien Dumling får besøk av ein potensiell klient til onkel Wiktor. På rommet sitt finn Harry husnissen Noldus, som åtvarar han mot å vende til Galtvort dette skuleåret. Når Harry nektar, skapar Noldus trøbbel som Harry får skulda for. Wiktor vil ikkje la Harry reise tilbake til Galtvort, men han blir redda av Ronny Wiltersen og tvillingbrøra hans i den flygande bilen deira. Harry blir tatt med til Wiltersenes heim, Hiet. Harry møter Ronny si yngre syster Gulla, som skal byrja på Galtvort dette året og er forelska i Harry.
Når Harry skal reise til Galtvort kjem ikkje han og Ronny seg gjennom Plattform 9 3/4, så dei flyr heller til Galtvort med den flygande bilen. Når dei kjem til Galtvort kræsjar dei i skulen sitt valdelege tre, Prylepila. Ronny knekk tryllestaven sin og bilen stikk av. Gutane blir nesten utvist, men får heller berre arrest.
På arresten byrjar Harry å høyre ein skremmande stemme som ingen andre kan høyre. Harry, Ronny og Hermine følgjer stemmen og finn bodskapet «Mysteriekammeret er opna. Måtte fiendane av arvingen vakte seg» skriven i blod på ein vegg og nedanfor katten til vaktmeisteren, forsteina. I tida etter blir mange gompefødde elevar òg overfalt og forsteina. Rektor Humlesnurr vurderer å stenge skulen for elevane si skuld.
Professor McSnurp fortèl elevane om legenda om Mysteriekammeret, som handlar om at Salazar Smygard laga eit hemmeleg kammer før han forlét Galtvort. Kammeret, kunne berre opnast av Smygards arving, skulle innehelde eit monster som skulle myrde alle gompefødde. Smygard mislikte gompefødde og meinte dei ikkje var verdige å studere magi. Harry mistenkjar Draco for å vere arvingen.
I Stønne-Stina sitt toalett oppdag Harry ei heilt blank dagbok som det står tilhøyrer nokon kalla Tom Dredolo Venster. Gjennom den magiske boka blir Harry tatt med 50 år tilbake i tid, og ser nokre av minna til denne Tom. Dei får Harry til å misstenke at det heller er Gygrid som har opna Mysteriekammeret.
Hermine blir òg forsteina, men Harry og Ronny ser papiret i handa hennar og finn ut at monsteret i Mysteriekammeret er ein Basilisk, ein slange som drep med blikket. Gutane går til Gygrid for å spørje om det èr han som har opna kammeret, men blir sendt ut i Den Forbudte skogen. Der møter dei Aragog, ein akrumantula, som overbevis Harry om at det ikkje var Gygrid som opna kammeret, men at det berre var han som fekk skulda.
Harry finn inngangen til Mysteriekammeret ved å snakke ormtunge og møter Tom Venster som viser seg å vere Voldemort som ungdom. Skodespelarar Rolle Skodespelar Harry Potter Daniel Radcliffe Ronny Wiltersen Rupert Grint Hermine Grang Emma Watson Gyldeprinz Gulmedal Kenneth Branagh Draco Malfang Tom Felton Albus Humlesnurr Richard Harris Minerva McSnurp Maggie Smith Severus Slur Alan Rickman Rubeus Gygrid Robbie Coltrane Arthur Wiltersen Mark Williams Molly Wiltersen Julie Walters Lucius Malfang Jason Isaacs Onkel Wiktor Richard Griffiths Tante Petunia Fiona Shaw Dudleif Dumling Harry Melling Gulla Wiltersen Bonnie Wright Tom Venster alias Fyrst Voldemort Christian Coulson Kjelder
Denne artikkelen bygger på «Harry Potter and the Chamber of Secrets (film)» frå , den 14. mai 2012.
Bakgrunnsstoff
Offisiell side Harry Potter og Mysteriekammeret på Internet Movie Database. Harry Potter og Mysteriekammeret på AllRovi. Harry Potter og Mysteriekammeret påRotten tomatoes. Harry Potter og Mysteriekammeret påBox Office Mojo. Harry Potter og Mysteriekammeret på Metacritic.
Kategori:Filmar frå 2003 Kategori:Britiske filmar Kategori:Harry Potter-filmar Kategori:Filmar av Warner Bros. H Kategori:Fantasy-film