A er det 13. studioalbumet til Jethro Tull. Det kom ut 29. august 1980 i Storbritannia og 1. september i USA. Albumet vart spelt inn sommaren 1980 med hjelp av Maison Rouge Mobile og Maison Rouge Studios i Fulham i London. Eddie Jobson var gjesteartist på albumet og spelte tangentinstrument og elektrisk fiolin. Albumet var produsert av Ian Anderson og Robin Black.

Oversyn A vart innspelt med tanke på å gje det ut som eit soloalbum for Ian Anderson før plateselskapet til Tull, Chrysalis, bad om at det skulle verte gjeve ut som Jethro Tull for å selje fleire plater. Dette er årsaka til tittelen, sidan lydbanda vart merkte med «A» for «Anderson». Albumet har ein langt meir synthesizer-basert stil, noko mange tilhengjarar mislikte då det kom ut. Det er framleis enkelte folkemusikk-aktige stykke som «The Pine Marten's Jig».

Før innspelinga av A vart det gjort dramatiske endringar i besetninga til Tull frå det førre albumet Stormwatch. Tidlegare klaverspelar John Evan og organist David Palmer fekk i røynda sparken frå gruppa og tidlegare bassist John Glascock døydde under innspelinga av Stormwatch, noko som fekk trommeslagar Barriemore Barlow til å forlate bandet i depresjon. Dei einaste Tull-medlemmane som var att frå Stormwatch var Ian Anderson og Martin Barre. Bassisten Dave Pegg, som spelte på turneen etter Stormwatch, er òg med på A. Anderson hadde i følgje biografen David Rees ikkje planar om å byte ut heile besetninga, sidan A var meint som eit soloalbum, men vart tvungen av Chrysalis Records. Anderson har derimot òg sagt at han ønskte å ta bandet i ei anna retning bort frå folkrock og progressiv rock.«A New Day Yesterday: The 25th Anniversary Collection, 1969–1994».

Barriemore Barlow var misnøgd med retninga bandet tok og sa seinare at han hadde kome til å slutte uansett.

Innhald

Dobbeltdiskutgåva frå 2004 inneheld Slipstream som ein bonus-DVD.

Medverkande Jethro Tull Ian Anderson – vokal, fløyte, akustisk gitar Martin Barre – elektrisk gitar Dave Pegg – bassgitar, mandolin Mark Craney – trommer, perkusjon

Andre medverkande Eddie Jobson – klaverinstrument, electric fiolin, synthesizer

Teknisk Robin Black – lydteknikar John Shaw – fotografi Peter Wagg – kunstnarisk leiar

Kjelder Denne artikkelen bygger på «A (Jethro Tull album)» frå , den 18. september 2012. oppgav desse kjeldene:

Bakgrunnsstoff

(Bonus DVD)

Kategori:Jethro Tull-album Kategori:Musikkalbum frå 1980 Kategori:Chrysalis Records-album Kategori:Island Records-album Kategori:album produserte av Ian Anderson