Terje Torkildsen () er ein norsk skodespelar, komikar, miljøvernar, skribent og forfattar.
Torkildsen er utdanna norsklektor og skreiv hovudfagsoppgåve om forfattaren Jens Zetlitz. Han har arbeidd som komikar sidan 1990-talet, med fyrste soloshow Morolog i 2002. Sidan 2003 har han fast spalte i Stavanger Aftenblad. Som skodespelar har han medverka i spelefilmane Mongoland, Alt for Egil og Monstertorsdag. I perioden 1998–2007 var han prosjektleiar i Miljøheimevernet og Grønn Hverdag. Ved kommunevalet i 2007 var han kandidat for Bymiljølista i Stavanger, frå 2011 har han vore varamann for Miljøpartiet Dei Grøne i kommunestyret. Han arbeider og som kåsør og foredragshaldar.
I 2008 debuterte Torkildsen som forfattar med ungdomsboka Marki Marco, utvikla i samarbeid med 10. klasse ved St. Svithun skole i Stavanger. Boka vart løna med UPrisen 2009. Han har seinare gjeve ut ein serie ungdomsromanar i fire bind under samlenamnet Dystopia.
Bøker 2008 – Marki Marco – Ungdomsroman 2009 – Dystopia I – Ungdomsroman 2010 – Dystopia II – Ungdomsroman 2011 – Dystopia III – Ungdomsroman 2012 – Dystopia IV – Ungdomsroman 2014 – Arrfjes – Ungdomsroman
Prisar UPrisen 2009, for Marki Marco UPrisen – 2011 for Dystopia III
Kjelder Denne artikkelen bygger på «Terje Torkildsen» frå , den 5. november 2012.
Referansar
Bakgrunnsstoff Nettstaden til Terje Torkildsen Utgjevingar av Terje Torkildsen i BIBSYS Ask
Kategori:Folk frå Stavanger Kategori:Forfattarar frå Rogaland Kategori:Norske skodespelarar Kategori:Norske romanforfattarar Kategori:Norske ungdomsbokforfattarar Kategori:Norske skjønnlitterære debutantar i 2008 Kategori:Nynorskforfattarar