USS «PCE 830» er eit motorskip bygt i 1943 for US Navy i USA som som eskortefartøy. Skipet vart innkjøpt av Hardanger Sunnhordlandske Dampskibsselskap (HSD) i 1947 og bygt om for passasjer og godstrafikk og døypt «Sunnhordland». Skipet er framleis i cruisefart i Finland under namnet «Kristina Brahe». Ho gjer korte turar på 2-5 dagar i Austersjøen og på Saimen.
Historie
Skipet vart levert som USS «PCE 830» for US Navy i 1943. I juni same året vart ho overført til The Royal Navy og omdøypt «HMS Kilchrenan». I 1946 vart ho levert attende til US Navy og fekk namnet USS «Kilchrenan».
I 1947 kjøpte HSD i Bergen skipet for ombygging ved Bergens mek. Verksted. Skipet var klar for fart i juni 1949 som «Sunnhordland». Skipet gjekk i rute for HSD til mars 1974, då det vart seld til Oy Fagerlines Ab i Helsingfors/Ristiina i Finland. Ho fekk då namnet MS «Kristina Brahe». I 1985 fekk ho ny motor og året etter vart ho seld til Rannikkolinjat Oy i Kotka. Ho fekk ny eigar i 1991 då ho vart seld til Kristina Cruises Ltd. i Kotka. I august 2010 vart ho seld til Saimaan Matkaverkko Oy og er framleis i trafikk mellom hamner ved Saimen og ved Finskebukta unner namnet MS «Brahe»
Kjelder Skipet.no
Kategori:Norske passasjerskip Kategori:HSD-eigde fartøy Kategori:Skip frå 1943 Kategori:Skip bygde i USA Kategori:USA-amerikanske patruljefartøy Kategori:Britiske skip frå andre verdskrigen