Felix Gottwald () er ein austerriksk, tidlegare kombinertløpar frå Zell am See i forbundslandet Salzburg. Mellom 1997 og 2001 vann han 18 medaljar (6-3-9) i ulike verdsmeisterskap på ski og i vinterolympiadar. Halvparten av medaljane oppnådde han i indidividuelle øvingar; eitt gull, to sølv og seks bronsar. Gottwald vann 23 renn i verdscupen, og sikra seg kombinertpokalen for 2001-sesongen.
Aktiv Gottwald fekk sin fyrste VM-medalje då han i ski-VM 1997 i Trondheim var med på Austerrikes lag som tok bronse i lagtevlinga. Fire år seinare vart det sølvmedaljar på Gottwald og Austerrike i lagtevlinga i ski-VM i Lahti, der han kapra bronsemedaljen i normaløvinga.
Under vinter-OL 2002 i Salt Lake City hamna Gottwald på tredjeplass i begge dei individuelle øvingane, og var dessutan med på laget som vart nummer tre i lagtevlinga. Året etter, i verdsmeisterskapen i Val di Fiemme i 2003, tok Gottwald medalje i alle tre kombinertøvingae. Han fekk medaljar av kvar valør; gull i lagtevlinga saman med Michael Gruber, Wilhelm Denifl og Christoph Bieler, sølv i normaløvinga og bronse i halvprogrammet (sprint).
I verdsmeisterskapen i Oberstdorf i 2005 fekk Gottwald to bronsemedaljar; ein i normaløvinga og ein i lagtevlinga. Høgdepunktet for Gottald kom då han vart olympisk meister i sprint (halvprogram) og i lagtevlinga i Torino, samt tok sølvet i normaløvinga.
Gottwald vann sitt tredje OL-gull då han i Vancouver 2010 atter var mellom dei fire utvalde austerrikarane som vann lagtevlinga, dei andre på laget var Bernhard Gruber, David Kreiner og ankermannen Mario Stecher. I sitt siste internasjonale meisterskap, ski-VM 2011 i Oslo tok Gottwald ein individuell bronse, og han var med på det austerrikske laget som vann begge lagtevlingane.
Han la opp i 2011.
Verdcupsigrar Dato Stad Land 2. desember 2000 Kuopio Finland 3. desember 2000 Kuopio Finland 19. januar 2001 Park City USA 1. mars 2001 Nayoro Japan 9. mars 2001 Oslo Noreg 10. Mars 2001 Oslo Noreg 7. desember 2001 Zakopane Polen 16. desember 2001 Steamboat Springs USA 29. desember 2001 Oberwiesenthal Tyskland 5. januar 2002 Schonach Tyskland 11. januar 2002 Val di Fiemme Italia 13. januar 2002 Ramsau am Dachstein Austerrike 1. januar 2003 Oberhof Tyskland 12. januar 2003 Chaux-Neuve Frankrike 8. mars 2003 Oslo Noreg 15. mars 2003 Lahti Finland 12. februar 2005 Pragelato Italia 3. januar 2006 Ruhpolding Tyskland 6. januar 2007 Oberstdorf Tyskland 20. januar 2007 Seefeld Austerrike 9. januar 2010 Val di Fiemme Italia 27. november 2010 Kuusamo Finland 8. januar 2011 Schonach Tyskland
I 2003 vart Gottwald tildelt Holmenkollmedaljen saman med Ronny Ackermann.
Kjelder Denne artikkelen bygger på «Felix Gottwald» frå , den 21. februar 2013.
Bakgrunnsstoff
Kategori:Austerrikske kombinertløparar Kategori:Verdsmeistrar i kombinert Kategori:Kongepokalvinnarar i skiidrett Kategori:Vinnarar av Holmenkollmedaljen Kategori:Olympiske meistrar for Austerrike Kategori:Olympiske sølvmedaljevinnarar for Austerrike Kategori:Olympiske bronsemedaljevinnarar for Austerrike Kategori:Austerrikske deltakarar under vinter-OL 1994 Kategori:Kombinertløparar under vinter-OL 1994 Kategori:Austerrikske deltakarar under vinter-OL 1998 Kategori:Kombinertløparar under vinter-OL 1998 Kategori:Medaljevinnarar under vinter-OL 2002 Kategori:Austerrikske deltakarar under vinter-OL 2002 Kategori:Kombinertløparar under vinter-OL 2002 Kategori:Medaljevinnarar under vinter-OL 2006 Kategori:Austerrikske deltakarar under vinter-OL 2006 Kategori:Kombinertløparar under vinter-OL 2006 Kategori:Medaljevinnarar under vinter-OL 2010 Kategori:Austerrikske deltakarar under vinter-OL 2010 Kategori:Kombinertløparar under vinter-OL 2010